Trasladamos o blog ao interior da nova páxina web. Dende ela poderás consultar o noso día a día.
Entra sen chamar pulsando en:
MUDÁMONOS Á PORTA DO LADO
Ruta Costera pola peninsula do Grove
27 XUÑO 2021
Co verán xa en marcha e con mais
ganas de praia que de monte temos pensado facer unha ultima ruta o vindeiro 27
de Xuño.
Temos preparada un pequeño
sendeiro costeiro pola península do Grove que pensamos que vos vai gustar. Son
aprox. 8 kilometros que percorren a costa que vai dende o porto deportivo de
Pedras Negras en San Vicente do Mar ata a Praia Mexilloeira xa nas inmediacions
do pobo do Grove. Será un tramo mixto de pasarelas de madera, area, terra,
pedras e algún que outro toxo…
XLVII INTERPROVINCIAL PICOS DE EUROPA SDT
24 e 25 de xullo
Xa vai chegando a información desta agardada actividade en Picos de Europa
que cada ano preparan os nosos amigos da “depor”. O Valle de Valdeón será onde
realizaremos as ascensións, tanto do sábado como do domingo, facendo base en
Posada de Valdeón.
Como moitos sabedes trátase dunha autentica actividade de montaña onde poderemos
recuperar as sensacións montañeiras que tanto botamos de menos os últimos
meses. Excelente oportunidade para poñernos a punto e “desempolvar” as botas e
os músculos e prepararnos para as actividades fortes de Pireneos.
Lembrar que será preciso saír, en coches particulares, na tardiña do venres para estar de mañá xa moi preto de Valdeón.
MÁIS INFORMACIÓN CHAMANDO AO CLUB.
A LISTA XA ESTÁ ABERTA.
Agradecementos participación Día Mundial dos Océanos (08 de Xuño)
O día 8 desfrutamos dun acto tan bonito como enriquecedor.
Desfrutamos da proxección do documental “A Mar do Fin do Mundo: Marcados para sobrevivir”. Un documental gravado nas nosas augas onde se expón a
fermosura somerxida á vez que se amosa a gran labor científica que se fai
para conservala.
Con nós estivo Jose Irisarri, produtor do documental, quen se quedou ata o
final e contestou as preguntas de todos nós. Sen dubida una contribución marabillosa, xa levábamos 40 minutos de debate a aínda quedaban preguntas no tinteiro.
Foi xenial ter a unha persoa con máis de 4000 mergullos ás súas costas e xa 40
anos traballando no sector que nos contase anécdotas e destapase curiosidade sobre o mundo mariño.
Penso que todas e todos os que asistimos quedamos encantados coa proxección,
dende descubrir como se fan mostraxes de seguimento de quenllas ata ver centolas
recorrer centos de quilómetros cos seus enormes peiteados dignos da mellor
alfombra vermella. A min ponme moi leda descubrir que existe este gran interese
polo noso mar, por como se conserva e por saber que se pode ou debe facer para
evitar o seu deterioro.
Creo que tampouco quedou sen protagonismo Rena Ortega, quen nos amosou un
gran abanico do seu traballo como ilustradora, principalmente baseado nos
océanos. Vos deixo aquí a súa foto para que vaiades engadindo estas marabillosas
obras á vosa lista.
Con iso non me queda máis que agradecer a estas dúas persoas, sen elas este
evento non sería posible.
Tamén quixera agradecer a Luis Álvarez, por facilitarnos de novo o sistema de son, a Faustino por prestarnos o auditorio dos PP. Capuchinos
durante toda a xornada. Así como a Alfonso Mandado (UVIGO) e Nuria Rodríguez
(Concelleira de Medioambiente-Concello de Vigo) polo seu apoio e colaboración
para este acto.
E por último, aos 68 asistentes, que estiveron atentos e activos durante o
acto! Espero que poidamos seguir compartindo momentos coma estes 😊
**Tedes algunhas fotos aquí**
Cristina Fernández González, vogal de Medioambiente.
Agradecemento Limpeza de Praias (06 de Xuño)
Queremos dar as grazas a tódalas persoas que participáchedes onte na limpeza de praias.
Dende a desembocadura do río Mougás no concello de Santa María de Oia ata as marismas preto da parroquia de Salcidos, 40 persoas andiveron durante toda a xornada apañando todo o lixo que poideron.
Adicamos
máis esforzo a primeira das praias, a desembocadura do Mougás, porque, o non
ser zona de praia turística, os concellos non derivan esforzos a recollida de
lixo nestas áreas. Só aquí nos atopamos todo o que podedes observar na
fotografía, a maioría plásticos, pero tamén algún vidrio, textiles, e ata rodas.
Isto só deixa en evidencia que non está todo feito. A pesar de que a labor dos concellos cas brigadas de limpeza de praias na época estival é moi importante, quero recordar que o máis importante é tirar menos e levar a cabo unha boa xestión dos residuos.
Iso
sí, o traballo mereceu a pena o ver o resultado 😊
No
resto da xornada atopamos un pouco de todo, dende alfombras e colchóns ata
cordas, pasando por envases, colillas, vidrio, escombros, utensilios
hixiénicos, seguido de un longo etc.
Gustaríanos
agradecer a colaboración aos concellos de Santa María de Oia e A Guarda por
recoller e xestionar os refugallos apañados durante esta xornada.
Tamén
agradecer a Manuel por vir con nós e ilustrarnos coa súa sabiduría sobre a zona
(non vos perdades a súa web “El Naturalista cojo”) e a Kiko, socio do club, por colaborar persoalmente
en toda a organización da saída.
Tamén
dar os máis sinceiros agradecementos a Manuel de Tamuxe Kayaks por
colaborar con nós deixándonos os kaiaks a metade de prezo para que todos e
todas puidéramos desfrutar desos maravillosos 7km remontando o río Miño e o río
Tamuxe, unha ruta fermosísima.
Así mesmo, agradecer a Jose Irisarri e Rena Ortega por compartir con nós este día tan especial deixándonos moitas ganas de falar con eles mañá, día Mundial dos Océanos, ás 8pm no auditorio dos PP Capuchinos. Cita que temos gardada para asistir a proxección do documental “O Mar do fin do mundo: Marcados para sobrevivir”. Deixo aquí a noticia que contén o trailer porque non ten perda.
Vos deixo AQUÍ o link cas fotografías que sacamos durante a saída do domingo.
Moitísimas
grazas a todos por participar!
Cristina Fernández González, vogal de Medioambiente.
A SENDA DAS ESTRELAS (Etapa II)
Monte Pindo-Caldebarcos-Paia de Carnota
26 e 27 de xuño
Xa está aberta
dende hoxe martes 8, a lista de inscricións para a segunda etapa da Senda das
Estrelas.
Nesta etapa comezaremos no monte O Pindo, dende o encoro
do Ézaro.
Esta ruta interior ascende o rego Caldeiras, pasando polo castelo de Peñafiel e a cova da casa da Xoana. Unha vez baixemos da Moa ata aldea do Pindo “pola vía normal”, percorreremos toda a rasa da Costa Cabra, dende Quilmas ata Caldebarcos.
Nesta apracible aldea de Caldebarcos, entre casas de pedra, hórreos e barcas de madeira, ancorou a súa vida, hai máis de trinta anos, a artesá ceramista Charo Pereiro. No noso recordo sempre, in memoriam; as súas coleccións de peixes de cores son o mellor tributo a esta salvaxe costa de Carnota.
Praia de Carnota (Turgalicia)
O domingo volverá o protagonismo para Caldebarcos. Preto de alí arranca a “Ruta dos muíños” do rego de Amil- Valdebois, que faremos circular, para continuar logo pola eterna praia de Carnota, 7 km inacabables de area finísima en perfecta forma de media lúa, que na baixamar chega a ter ata 1 km de anchura. É un mundo natural noutra dimensión.
Remataremos a ruta na sonora vila mariñeira de Lira, cansos, satisfeitos, derrotados con tanta beleza.
Non volo podedes perder!!!!
A lista pecha o mércoles 23 xuño.
Máis información chamando ao club
ESCALADA INFANTIL
El pasado sábado día 29 finalizaba el curso de escalada en búlder que nuestros futuros escaladores realizaron en el club durante los tres últimos meses. Pero esta última clase la recibieron en el rocódromo de la UVigo que, a primera vista, les causó una nueva “sensación” cuando lo tuvieron delante.
Sin embargo, como podéis ver en las fotos, se lucieron en el muro como
verdaderos gatos.
Esperamos que, el nuevo curso, algunos de estos niños y niñas tengan en la escalada un lugar donde ser felices y formarse como buenos y sanos deportistas.
Ver máis fotos aquí
COÑECENDO AS NOSAS ILLAS ATLÁNTICAS
Si no ano 2019 vistamos as queridas Cíes este ano, o pasado día 30, tocoulle a tamén moi visitada Illa de Ons nunha xornada, meteoroloxicamente falando, extraordinaria. Preto dun cento de persoas nos distribuímos en cinco grupos que, acompañados polos excelentes guías de Alecrín, fomos coñecendo datos e lugares que non sempre se obteñen nas visitas particulares.
Un reencontro primaveral ca Natureza moi agradable, a pesares de manter os protocolos covid en todo momento, que moitos agardábamos e que, pouco a pouco, volve a dar “mobilidade” ao noso club. “NAVEGAMOS DE NOVO”.
DÍA MUNDIAL DOS OCÉANOS (6/8 de Xuño)
Recordatorio Actividades
Domingo 6 de Xuño
Grupo
de andaina:
Comezaremos a marcha 3km antes de A Garda camiñando sempre
pegados á costa ata chegar a desembocadura do Miño en Camposancos. Durante o
traxecto iremos recollendo plásticos e
demais “obxectos perdidos” que atopemos.
Despois completaremos a xornada cun percorrido cheo de marabillosas vistas que
nos levará a subir ao Monte de Santa Trega para descender cara A Garda.
Grupo
de kaiak:
Comezaremos camiñando no estuario do río Miño, en
Salcidos, ata a mesma desembocadura do río en Camposancos. Durante o percorrido
apañaremos calquera tipo de lixo que se atope preto do río, nas marismas, no
pinar ou na praia. Sobre as 14h. Nos dirixiremos o punto de encontro cos
kaiaks, na praia da Armona, para dar comezo a segunda parte da xornada
remontando o río Miño que nos levará sobre 2 horas e onde tamén levaremos bolsas
para ir apañando o que atopemos na ribeira do río. Lembrade levar traxe de baño e calzado que se poida mollar, a roupa quedará no bus.
Para ambos
grupos o autobús sairá ás 9:00 dende la Plaza de España.
Sección
Infantil:
Os nosos compañeiros máis pequenos poderán axudar en todo
o tramo de recollido de lixo a pé que fará o grupo do Kaiak para chegar ata a Praia
do Muíño onde decidirán quedarse ou camiñar un tramo máis de costa antes de
regresar a casa.
Facilitaranse bolsas e luvas para as labores de limpeza
Martes 8 de Xuño
Nos xuntaremos todos no Auditorio dos PP Capuchinos (Vázquez
Varela, 15) ás 20h para desfrutar do excelente documental ““O Mar do Fin do Mundo: Marcados para sobrevivir” onde nos acompañará o seu produtor Jose
Irisarri. Nese mesmo espazo tamén contaremos coa presencia da ilustradora mariña
Rena Ortega.
NON PERDADES
ESTA DATA!
AVISO SALIDA ILLA DE ONS DÍA 30 MAIO!!!!
Recordatorio de horarios para Ons salida Illa Ons día 30 de maio.
Bus: salida desde Plaza de España a las 8:30h
Los que van en coche a Bueu deberán estar en el puerto a las 9:30h
Salida barco a las 10:00h
Regreso desde Ons: 18:00h
Regreso bus desde Bueu: 19:30h aprox.
Llevar todo lo necesario para pasar la jornada caminando por la isla.
EXPLORACIÓN DAS COVAS SILVERTO E ZORRA
Luns 17 maio de 2021
Este ano o campamento infantil-xuvenil da
Federación Galega de Espeleoloxía foi organizado polo Club Alpino Ouresán.
Os nosos pequenos espeleólogos: Antón, Brais, Xoel e Artai desfrutaron da exploración das covas de Silverto e Zorra situadas na aldea de Covas en Ourense, fronteira natural entre Galicia e León.
Video de Sergio
EXTRAORDINARIA RUTA DOS FRADES CON DISCAMINO
Domingo 23 de maio de 2021
Foi extraordinaria
esta ruta por dou motivos principais, e
que, cunha xornada primaveral fabulosa puidemos gozala na compañía dos amigos de DISCAMINO. Por primeira vez
acudimos na súa compañía a camiñar e disfrutar da natureza comprobando sobre o
terreo como se moven e o esforzo que fan para ofrecer un día distinto e feliz a
persoas que de xeito individual o terían moi complicado de facer.
No medio dunha camaradaría excelente, o primeiro tramo ata o cume do San Nomedio foi algo custoso pola subidas pero con algo de esforzo físico foise levando. Máis complicado resultou o tramo final a carón do rio Miño cando as dificultades do terreo por onde circula o sendeiro ofreceu algunha complicación “extra”, pero aínda así, con gran actitude por todos superáronse os atrancos.
Quedounos unha
excelente sensación e no ánimo está en que
o imos repetir noutras actividades.
Aproveitamos para FELICITAR a todos os participantes pola solidariedade
demostrada e aos membros desta incríbel ASOCIACIÓN HUMANITARIA e a Javier Pitillas, “Alma promotora” da
mesma, unha forte aperta e Felicitación dos socios do Club Peña Trevinca
Montañeiros de Galicia.
Día Mundial dos Océanos: Quedan poucas prazas!
6 e 8 XUÑO:
Queremos
recordarvos que aínda quedan prazas para a actividade do día 6 de xuño.
Sairemos ás 09:00h. en bus dende a
Praza
de España para
chegar ao concello da Guarda cara ás 10. Alí nos dividiremos en dous grupos, dependendo de se
prefiren facer ruta a pé ou en kaiak.
O primeiro grupo
camiñará dende as proximidades da praia de Fedorentos ata o comezo da praia de Camposancos, onde se reunirá co outro grupo
que virá
pola mesma praia camiñando en
sentido contrario.
Alí xuntaremos
os refugallos recollidos nos dous traxectos e
faremos un breve descanso para comer. Ás 14:00h.
os dous grupos volveránse dividir para
facer a ruta a pé cara a Santa Trega ou disfrutar do río Miño na ruta en
kaiak.
Unhas tres horas
máis tarde reunirémonos de novo no
autobús para regresar a Vigo.
Recordamos
aos participantes que vaian no kaiak que leven traxe de baño, roupa de recambio e
calzado que se poida mollar. Neopreno non fará falta e
os kaiaks levarán un pequeno barril
estanco para gardar as pertenzas de cada un.
A LISTA ESTÁ ABERTA ATA O DÍA 3 DE XUÑO! QUEDAN POUCAS PRAZAS!
Aquí tamén aproveito para recordar a actividade do día 8 de xuño onde se proxectará o
documental “O Mar do Fin do Mundo: Marcados para sobrevivir” ás 20:00h. no auditorio dos PP
Capuchinos (Vázquez Varela 15, Vigo).
Ese mesmo día o produtor do documental, Jose Irisarri, virá a contestar a todas as
vosas preguntas e dúbidas e falaranos do seu próximo proxecto,
sempre en prol da conservación das nosas rías.
Ademais
gozaremos da presenza de Rena Ortega, ilustradora mariña, que terá
un pequeño posto
de venda para quen desexe adquirir algunha das súas ilustracións e coñecer o seu
traballo.
Aquí vos deixo o cartel da actividade e vos invito a ollar a entrada anterior do blog onde falamos deste día
tan especial con máis de detalle.
VIDE COÑECER O NOSO MUNDO SUBMARINO!
Cristina Fernández González, vogal de Medioambiente.
RUTA DOS FRADES: As Neves (23 de maio)
Esperemos que desta volta poidamos patear esta ruta, que foi suspendida polo coronavirus hai uns meses.Como se anunciaba na circular do mes de outubro, o roteiro é lineal, a súa dificultade baixa e a lonxitude 21 km.
Nesta ruta iremos acompañados dos amigos de DISCAMINO, cos que pasaremos unha excelente xornada. NOTICIA DIARIO METROPOLITANO
Iníciase na aldea da Pena pertencente ás Neves. Despois de percorrer un tramo de camiño chégase a un cruceiro onde se empeza a ascensión ao San Nomedio, desde o cal se poden contemplar as vistas do val da comarca do Condado e o veciño país portugués. Logo, empézase o descenso pola lomba ata chegar á parte baixa dos campos e ríos, pasando polas aldeas de Padrenda, Santiago de Ribarteme, As Barreiras, A Ponte e A Costa ata chegar á capela de San Manuel, onde comeza o Roteiro dos Pescadores que percorre a marxe do río Miño.
Todo este trazado está incluído na Rede Natura 2000, con amplos valores naturais. Ao lado do río pódense ver as garitas do estraperlo, o forno de queimar o cal e as pesqueiras para a captura da lamprea. Continuando o roteiro chégase á capela de Santa Mariña finalizando a ruta na área recreativa.
Día Mundial dos Océanos
O día 8 de Xuño
foi declarado pola ONU Día Mundial dos Océanos baixo o lema de “Nuestro Océano
es nuestro futuro”.
Exemplar de Sepia oficinalis nas augas da Ría
de Vigo
O propósito deste día é concienciar
á poboación sobre as consecuencias que a actividade humana ten sobre os océanos
e acadar unha xestión sostible dos nosos mares.
Pero, por qué habemos de preocuparnos polos océanos? O océano cobre o 70% da superficie terrestre. Debido á súa circulación, ten un
papel fundamental na regulación da temperatura na Terra permitindo que nós nos aloxemos nela. Pero non só iso, os océanos absorben máis do 30% do
CO2 que se emite a nivel global1 e aportan máis da
metade do osíxeno que respiramos, todo grazas ao papel fundamental dos
organismos que conforman a base da cadea trófica. Non obstante, o aumento
progresivo das emisións de CO2 están a provocar que o equilibrio
químico das masas de auga se modifique cara a unha acidificación oceánica cada
vez máis acusada (o océano xa é un 30% máis ácido hoxe do que era na
época preindustrial2). Isto obriga a millóns de organismos a
terse que adaptar á nova situación e pon en perigo unha cadea trófica escollida
durante millóns de anos de evolución.
Para frear este fenómeno, no cume de
París estableceuse que o aumento de temperatura non debería sobrepasar os 1.5ºC
respecto a época preindustrial (agora estamos 1.2ºC por riba, ver entrada anterior no blog),
con isto establecéronse tamén as reducións pertinentes en emisións de gases de
efecto invernadoiro.
Por outro lado, non
hai dúbida de que o Océano é unha gran fonte de alimentos. Non obstante, dende
a metade do século XX as frotas pesqueiras teñen que investir 5 veces máis esforzo
para obter o mesmo número de capturas (FAO3). Qué nos amosa
este dato? Que cada vez hai menos peixes no mar. A sobrepesca e a
sobreexplotación dos recursos mariños está facendo que as redes tróficas dos
ecosistemas se desequilibren. O consumo desmesurado de especies que se atopan na
cima da cadea trófica, grandes depredadores coma o atún ou o peixe espada, ten
efectos de cascada trófica que non vemos, isto é, efectos en tódolos demais elos
da cadea.
A investigación científica que
permita coñecer con exactitude os ciclos reprodutores das especies no seu medio
natural, así coma xerar bases de datos globais con censos de abundancia de cada
especie, é unha ferramenta fundamental para que poidamos seguir extraendo os
recursos do medio mariño dun xeito sostible, o que vén significando que “o pan
de hoxe non sexa fame para mañá”.
Sen dúbida, son
os gobernos e as alianzas globais os que, na miña opinión, deben establecer
gobernanzas con leis que se fagan cumprir. Non é momento de facer a vista
gorda. É necesario establecer unha regulación no océano ao completo, non só nas
augas nacionais de cada país. Para acadalo, preténdese establecer un “Pacto dos
Océanos” impulsado pola ONU. Aínda que, parece mentira que representando tanta
superficie do planeta e dependo dos océanos como dependemos, este tratado aínda
non estea completamente posto en marcha.
Dende o Club Peña
Trevinca, en colaboración coa Universidade de Vigo, queremos apoiar co noso gran
de area a este día.
O noso cometido é achegar as nosas rías á poboación que temos mais preto. Sóese dicir que un ecosistema que non se
coñece non se conserva, e por elo queremos que todos sexades partícipes das
actividades que temos propostas para este día.
Comezando o domingo día 6 de xuño, faremos unha recollida de lixo na Praia de Camposancos (pode
modificarse dependendo da xestión de residuos do concello de A Guarda) e
posterior ruta en kaiak polo Río Miño coa colaboración da empresa Kayaks
Tamuxe.
Para continuar, o martes 8 de xuño as 20h. no auditorio dos PP. Capuchinos (Vázquez Varela 15), proxectarase do documental “O mar da fin do mundo: Marcados para sobrevivir” coa
participación do seu produtor, Jose Irisarri, quen se prestará a contestar a
tódalas dúbidas e curiosidades que teñades sobre o documental e nos presentará
o seu novo proxecto en prol da saúde dos océanos.
Aquí vos deixo o tráiler do
documental, non lle perdades ollo a fermosura das nosas rías e a importancia do
labor científico enfocado cara a conservación das mesmas.
Ese mesmo día tamén lle faremos un oco a ilustradora Rena Ortega quen virá ensinarnos as súas marabillosas ilustracións sobre o mundo mariño. Alí mesmo poderedes mercar parte do seu traballo.
Déixovos para finalizar o cartel da
actividade deseñado pola artista que podedes difundir ao voso antollo.
Un saúdo e vémonos no mar!
Cristina
Fernández González, vogal de Medioambiente
CURSO DE INICIACIÓN Á ESCALADA EN ROCÓDROMO (Sábado 22 e domingo 23)
Temos preparado un novo curso de 16 horas no rocódromo da UVigo para persoal da universidade e socios do club. Os socios interesados deben estar en posesión da licenza FEDME.
As prazas son limitadas e abriremos
a lista o martes día 11 ata cubrir o total das mesmas.
MARCHA NÓRDICA: CAMPIONATO DE ESPAÑA + FORMACIÓN DO EQUIPO GALEGO
Como ven sabedes, o 6 de Xuño de 2021 celebrarase o III Trofeo na Cidade da Coruña de Marcha Nórdica que acolle o Campionato de España Individual e de Federacións Autonómicas neste ano 2021.
Co obxectivo de facilitar a formación do equipo galego de Marcha Nórdica, infórmovos as datas para a proba/tests:
As datas e os lugares das probas serán:
• Sábado 15 de maio ás 10:00 na Coruña (zona Torre de Hércules).
• Domingo 16 de maio ás 17:00 no parque de Castrelos.
Para calquer dúbida sobre a formación do equipo galego, poñédevos en contacto coa FGM.
MARCHA CONTRA O PROXECTO EÓLICO NA SERRA DA GROBA
Domingo 16 de maio ás 11h. temos a marcha reivindicativa de "Non aos eólicos na Serra da Groba".
Como sabedes o proxecto está pensado para instalar 54 aeroxeradores en 7 parques eólicos.
Se podedes non vos quededes sen ver o seguinte vídeo:
Toda a info no seguinte cartel e na páxina web de "Instituto de Estudos Miñoranos":
