XLVI MARCHA INTERPROVINCIAL S.D. TORRELAVEGA


Estupenda fin de semana a que pasamos cos amigos da S.D de Torrelavega e doutros clubs en Picos de Europa participando, unha vez máis, na Interprovincial.


Deixámosvos unha fotos como mostra desta nova edición que, dada a situación actual, foi de participación máis minguada en deportistas pero non por elo perdeu interese e resultou moi ben, coma sempre. Do noso club acudimos 15 sendo por iso un dos grupos máis numerosos.

MOITAS GRAZAS AOS DA DEPOR.

spacer

VACACIÓNS

Estaremos pechados en Agosto



¡Felices vacacións!
spacer

EXPOSICIÓN 75 ANOS COA MONTAÑA


Onte, luns día 20, tivo lugar a inauguración da exposición que levaba varios meses preparada agardando o mellor momento tras ser suspendida no mes de marzo por razóns xa obvias para todos. Y esas razóns nos obrigaron tamén a ter que facelo en número moi reducido de asistentes e da forma máis simple posible.


Estes condicionantes non restan valor a este acto, máis ben todo o contrario, e estamos moi contentos e orgullosos de que asistiran ao mesmo os fillos e fillas de socios fundadores do club como Ola Abad, Alicia e Pilar Villaverde e Ricardo Gurriarán, acompañados polos expresidentes X. Lois Freixeiro, Rogelio Otero, Alberto Canle, e Pedro Outón.

Algúns membros da actual directiva e colaboradores da montaxe estiveron tamén presentes neste acto inaugural ao que asistiron por parte do Concello de Vigo o concelleiro da área de Cultura Abel Losada e de Deportes Manel Fernández, a quenes expresamos, tamén dende aquí, o noso agradecemento e o de todos os socios.



Agora réstanos  convidarvos a todos a que pasedes a facer unha fermosa “travesía” por estes 75 anos de Historia que foron recollidos, se non do mellor xeito posible, si coas mellores ganas e intención de facelo ben. 
Non é nada doado describir un camiño tan longo de feitos importantes, sentimentos, anécdotas e circunstancias relevantes das que en bastantes casos apenas existe máis que a transmisión oral que algúns dos protagonistas nos foron narrando nos últimos anos.

Temos todos ata o 23 de agosto para “apuntarnos” a facer esta viaxe polas páxinas do club e aproveitar esta oportunidade de coñecer as nosas raíces e os nomes dos homes e mulleres que souberon dar contido a esta sociedade deportiva de xeito altruísta e nos trouxeron ata aquí.




spacer

SAÍMOS NA TVG

👉Mañá mércores día 15 entre ás 11:30 e 12h. ⏰, o clube sairá no programa "O sol sae para todos" da Televisión de Galicia (TVG1).



Será un programa en exclusiva ao Club Peña Trevinca, no que durante 15 min. teremos entrevistas a directivos e socios do club na Serra da Groba.
¡Non o perdades! 😜
spacer

XORNADAS DE FORMACIÓN CONTÍNUA EN ESCALADA

O próximo curso daremos comezo outro ano máis as xornadas de escalada na UVigo.





Para comezos de setembro daremos máis información de inscrición e horarios.
Os que viñades facendo o curso o ano pasado, teredes prioridade a hora de anotarvos as plazas que teñamos dispoñibles.

¡Atentos as redes sociais en setembro!
spacer

LISTAS ABERTAS

Lembrade que están abertas as seguintes saídas:

  • Pirineos: Val de Tena (2 ao 11 de agosto)




  • XLVI Marcha Interprovincial con vivac en Picos de Europa (25 e 26 de xullo)




  • Campamento Infantil - Xuvenil da Federación Galega de Espeleoloxía (12 e 13 de setembro)




spacer

FOTOS SENDAS FLUVIAIS DOS RÍOS ABOAL E TEA EN MONDARIZ (5 de xullo 2020)

Estupenda xornada sendeirista a carón dos ríos Aboal e Tea, polas terras de Mondariz. 


A forte calor foise levando con continuos remollóns e cas bebidas de fin de ruta. Percorrido fermoso moi pretiño de Vigo.


spacer