Bus: salida desde Plaza de España a las 8:30h
Los que van en coche a Bueu deberán estar en el puerto a las 9:30h
Salida barco a las 10:00h
Regreso desde Ons: 18:00h
Regreso bus desde Bueu: 19:30h aprox.
Llevar todo lo necesario para pasar la jornada caminando por la isla.
Luns 17 maio de 2021
Este ano o campamento infantil-xuvenil da
Federación Galega de Espeleoloxía foi organizado polo Club Alpino Ouresán.
Os nosos pequenos espeleólogos: Antón, Brais, Xoel e Artai desfrutaron da exploración das covas de Silverto e Zorra situadas na aldea de Covas en Ourense, fronteira natural entre Galicia e León.
Video de Sergio
Foi extraordinaria
esta ruta por dou motivos principais, e
que, cunha xornada primaveral fabulosa puidemos gozala na compañía dos amigos de DISCAMINO. Por primeira vez
acudimos na súa compañía a camiñar e disfrutar da natureza comprobando sobre o
terreo como se moven e o esforzo que fan para ofrecer un día distinto e feliz a
persoas que de xeito individual o terían moi complicado de facer.
No medio dunha camaradaría excelente, o primeiro tramo ata o cume do San Nomedio foi algo custoso pola subidas pero con algo de esforzo físico foise levando. Máis complicado resultou o tramo final a carón do rio Miño cando as dificultades do terreo por onde circula o sendeiro ofreceu algunha complicación “extra”, pero aínda así, con gran actitude por todos superáronse os atrancos.
Quedounos unha
excelente sensación e no ánimo está en que
o imos repetir noutras actividades.
Aproveitamos para FELICITAR a todos os participantes pola solidariedade
demostrada e aos membros desta incríbel ASOCIACIÓN HUMANITARIA e a Javier Pitillas, “Alma promotora” da
mesma, unha forte aperta e Felicitación dos socios do Club Peña Trevinca
Montañeiros de Galicia.
6 e 8 XUÑO:
Queremos
recordarvos que aínda quedan prazas para a actividade do día 6 de xuño.
Sairemos ás 09:00h. en bus dende a
Praza
de España para
chegar ao concello da Guarda cara ás 10. Alí nos dividiremos en dous grupos, dependendo de se
prefiren facer ruta a pé ou en kaiak.
O primeiro grupo
camiñará dende as proximidades da praia de Fedorentos ata o comezo da praia de Camposancos, onde se reunirá co outro grupo
que virá
pola mesma praia camiñando en
sentido contrario.
Alí xuntaremos
os refugallos recollidos nos dous traxectos e
faremos un breve descanso para comer. Ás 14:00h.
os dous grupos volveránse dividir para
facer a ruta a pé cara a Santa Trega ou disfrutar do río Miño na ruta en
kaiak.
Unhas tres horas
máis tarde reunirémonos de novo no
autobús para regresar a Vigo.
Recordamos
aos participantes que vaian no kaiak que leven traxe de baño, roupa de recambio e
calzado que se poida mollar. Neopreno non fará falta e
os kaiaks levarán un pequeno barril
estanco para gardar as pertenzas de cada un.
A LISTA ESTÁ ABERTA ATA O DÍA 3 DE XUÑO! QUEDAN POUCAS PRAZAS!
Aquí tamén aproveito para recordar a actividade do día 8 de xuño onde se proxectará o
documental “O Mar do Fin do Mundo: Marcados para sobrevivir” ás 20:00h. no auditorio dos PP
Capuchinos (Vázquez Varela 15, Vigo).
Ese mesmo día o produtor do documental, Jose Irisarri, virá a contestar a todas as
vosas preguntas e dúbidas e falaranos do seu próximo proxecto,
sempre en prol da conservación das nosas rías.
Ademais
gozaremos da presenza de Rena Ortega, ilustradora mariña, que terá
un pequeño posto
de venda para quen desexe adquirir algunha das súas ilustracións e coñecer o seu
traballo.
Aquí vos deixo o cartel da actividade e vos invito a ollar a entrada anterior do blog onde falamos deste día
tan especial con máis de detalle.
VIDE COÑECER O NOSO MUNDO SUBMARINO!
Cristina Fernández González, vogal de Medioambiente.
Esperemos que desta volta poidamos patear esta ruta, que foi suspendida polo coronavirus hai uns meses.Como se anunciaba na circular do mes de outubro, o roteiro é lineal, a súa dificultade baixa e a lonxitude 21 km.
Nesta ruta iremos acompañados dos amigos de DISCAMINO, cos que pasaremos unha excelente xornada. NOTICIA DIARIO METROPOLITANO
Iníciase na aldea da Pena pertencente ás Neves. Despois de percorrer un tramo de camiño chégase a un cruceiro onde se empeza a ascensión ao San Nomedio, desde o cal se poden contemplar as vistas do val da comarca do Condado e o veciño país portugués. Logo, empézase o descenso pola lomba ata chegar á parte baixa dos campos e ríos, pasando polas aldeas de Padrenda, Santiago de Ribarteme, As Barreiras, A Ponte e A Costa ata chegar á capela de San Manuel, onde comeza o Roteiro dos Pescadores que percorre a marxe do río Miño.
Todo este trazado está incluído na Rede Natura 2000, con amplos valores naturais. Ao lado do río pódense ver as garitas do estraperlo, o forno de queimar o cal e as pesqueiras para a captura da lamprea. Continuando o roteiro chégase á capela de Santa Mariña finalizando a ruta na área recreativa.
O día 8 de Xuño
foi declarado pola ONU Día Mundial dos Océanos baixo o lema de “Nuestro Océano
es nuestro futuro”.
O propósito deste día é concienciar
á poboación sobre as consecuencias que a actividade humana ten sobre os océanos
e acadar unha xestión sostible dos nosos mares.
Pero, por qué habemos de preocuparnos polos océanos? O océano cobre o 70% da superficie terrestre. Debido á súa circulación, ten un
papel fundamental na regulación da temperatura na Terra permitindo que nós nos aloxemos nela. Pero non só iso, os océanos absorben máis do 30% do
CO2 que se emite a nivel global1 e aportan máis da
metade do osíxeno que respiramos, todo grazas ao papel fundamental dos
organismos que conforman a base da cadea trófica. Non obstante, o aumento
progresivo das emisións de CO2 están a provocar que o equilibrio
químico das masas de auga se modifique cara a unha acidificación oceánica cada
vez máis acusada (o océano xa é un 30% máis ácido hoxe do que era na
época preindustrial2). Isto obriga a millóns de organismos a
terse que adaptar á nova situación e pon en perigo unha cadea trófica escollida
durante millóns de anos de evolución.
Para frear este fenómeno, no cume de
París estableceuse que o aumento de temperatura non debería sobrepasar os 1.5ºC
respecto a época preindustrial (agora estamos 1.2ºC por riba, ver entrada anterior no blog),
con isto establecéronse tamén as reducións pertinentes en emisións de gases de
efecto invernadoiro.
Por outro lado, non
hai dúbida de que o Océano é unha gran fonte de alimentos. Non obstante, dende
a metade do século XX as frotas pesqueiras teñen que investir 5 veces máis esforzo
para obter o mesmo número de capturas (FAO3). Qué nos amosa
este dato? Que cada vez hai menos peixes no mar. A sobrepesca e a
sobreexplotación dos recursos mariños está facendo que as redes tróficas dos
ecosistemas se desequilibren. O consumo desmesurado de especies que se atopan na
cima da cadea trófica, grandes depredadores coma o atún ou o peixe espada, ten
efectos de cascada trófica que non vemos, isto é, efectos en tódolos demais elos
da cadea.
A investigación científica que
permita coñecer con exactitude os ciclos reprodutores das especies no seu medio
natural, así coma xerar bases de datos globais con censos de abundancia de cada
especie, é unha ferramenta fundamental para que poidamos seguir extraendo os
recursos do medio mariño dun xeito sostible, o que vén significando que “o pan
de hoxe non sexa fame para mañá”.
Sen dúbida, son
os gobernos e as alianzas globais os que, na miña opinión, deben establecer
gobernanzas con leis que se fagan cumprir. Non é momento de facer a vista
gorda. É necesario establecer unha regulación no océano ao completo, non só nas
augas nacionais de cada país. Para acadalo, preténdese establecer un “Pacto dos
Océanos” impulsado pola ONU. Aínda que, parece mentira que representando tanta
superficie do planeta e dependo dos océanos como dependemos, este tratado aínda
non estea completamente posto en marcha.
Dende o Club Peña
Trevinca, en colaboración coa Universidade de Vigo, queremos apoiar co noso gran
de area a este día.
O noso cometido é achegar as nosas rías á poboación que temos mais preto. Sóese dicir que un ecosistema que non se
coñece non se conserva, e por elo queremos que todos sexades partícipes das
actividades que temos propostas para este día.
Comezando o domingo día 6 de xuño, faremos unha recollida de lixo na Praia de Camposancos (pode
modificarse dependendo da xestión de residuos do concello de A Guarda) e
posterior ruta en kaiak polo Río Miño coa colaboración da empresa Kayaks
Tamuxe.
Para continuar, o martes 8 de xuño as 20h. no auditorio dos PP. Capuchinos (Vázquez Varela 15), proxectarase do documental “O mar da fin do mundo: Marcados para sobrevivir” coa
participación do seu produtor, Jose Irisarri, quen se prestará a contestar a
tódalas dúbidas e curiosidades que teñades sobre o documental e nos presentará
o seu novo proxecto en prol da saúde dos océanos.
Aquí vos deixo o tráiler do
documental, non lle perdades ollo a fermosura das nosas rías e a importancia do
labor científico enfocado cara a conservación das mesmas.
Ese mesmo día tamén lle faremos un oco a ilustradora Rena Ortega quen virá ensinarnos as súas marabillosas ilustracións sobre o mundo mariño. Alí mesmo poderedes mercar parte do seu traballo.
Déixovos para finalizar o cartel da
actividade deseñado pola artista que podedes difundir ao voso antollo.
Un saúdo e vémonos no mar!
Cristina
Fernández González, vogal de Medioambiente
Temos preparado un novo curso de 16 horas no rocódromo da UVigo para persoal da universidade e socios do club. Os socios interesados deben estar en posesión da licenza FEDME.
As prazas son limitadas e abriremos
a lista o martes día 11 ata cubrir o total das mesmas.
As datas e os lugares das probas serán:
• Sábado 15 de maio ás 10:00 na Coruña (zona Torre de Hércules).
• Domingo 16 de maio ás 17:00 no parque de Castrelos.
Para calquer dúbida sobre a formación do equipo galego, poñédevos en contacto coa FGM.
Domingo 16 de maio ás 11h. temos a marcha reivindicativa de "Non aos eólicos na Serra da Groba".
Como sabedes o proxecto está pensado para instalar 54 aeroxeradores en 7 parques eólicos.
Se podedes non vos quededes sen ver o seguinte vídeo:
Cun fermoso percorrido circular por bosques autóctonos reiniciamos as nosas actividades sendeiristas o pasado domingo día 9.
Afortunadamente non se produciron as
previsións “explosivas” cas que nos
pretendían asustar os días previos na TV e, con apenas algo de choiva na
primeira hora, transcorreu unha xornada excelente entre Os Peares e A Peroxa
para logo volver de novo a Os Peares tras preto de case 25 km.
Tampouco supuxo un inconvinte o ter que manter os protocolos covid e
voltamos todos moi satisfeitos deste reencontro que se nos facía xa moi
necesario.
Deixámosvos algunha imaxes desta xornada por terras ourensáns e convidámosvos a apuntarvos para o seguinte o día 23.
¡Moitas grazas por participar!
Remataremos este mes de maio embarcando, nunca mellor dito, nunha viaxe moi especial. Despois de visitar Cíes hai dous anos, agora é a vez da illa de Ons, parte integrante tamén do Parque Nacional das Illas Atlánticas, na porta da ría de Pontevedra. O porto de saída será Bueu.
Coñeceremos esta illa, aínda habitada, da man de guías profesionais xa que cómpre atender a súa singular historia e cultura, ademais do marcado contraste entre as dúas vertentes, pois son paisaxes moi ben diferenciadas: a cara leste, máis suave e amable, e a cara oeste, máis abrupta e oceánica onde só algunhas especies son quen de se adaptar. Alí faremos varias rutas, tanto de mañá coma de tarde.
Para outra ocasión agárdannos as illas de Sálvora, Cortegada e todo un paseo pola ría de Arousa. Así daremos fin a estas excursións marítimas, coñecendo os segredos mellor gardados que agochan o conxunto das nosas illas e o entorno do Parque Nacional.
Coma outros anos, pídennos coa máxima anticipación o nº de asistentes, polo que abrimos a lista do martes 4 ao 25 de maio. Recordade que a saída está aberta tamén a amigos (socios do club ou non), e as prazas son limitadas. ¡Canto antes vos apuntedes moito mellor!
Aquí temos algunhas fotos da Cova do Rei Centolo e da Mina Consuelo dos días 24 e 25 do mes pasado:
A FGM convoca unha proba para entrar a formar parte da selección galega de escalada que participará no Campionato de España de Seleccións Autonómicas en Idade Escolar.
A FGM busca escaladoras galegas nacidas nos anos 2008, 2009 ou 2010 que escalen como primeiras de corda con fluidez. O prazo de inscrición é ata o 12 de maio. A proba se realizará en Rocolugo o día 16 de maio.
PROGRAMA DE TECNIFICACIÓN DEPORTIVA EN ESCALADA DE GALICIA
Para máis información podedes chamar ao club.
