Proxección e sorteo: Torre Central del Paine

Venres 3 de maio ás 20.30h. no auditorio dos Padres Capuchinos 

Rúa Vazquez Varela nº15 Vigo

Fantástica proxección que poderemos disfrutar e na que tamén poderemos comprobar por que a Patagonia pode ser tan inxusta e traidora e, ao mesmo tempo, tan extraordinaria, máxica e única.

Despois teremos varios sorteos de roupa de montaña da marca OS2O. 

Estas son algunhas das prendas que imos sortear:

Xa tendes no club RIFAS para participar neste sorteo.

¡¡Sorte a todos!!

NON FALTES A ESTA MAGNÍFICA PROXECCIÓN

Segue Lendo...

Conferencia: Elba a pastora de 9.000 anos

Convidamosvos a asisitir a estas interesantisimas conferencias na mañá deste sábado día 27 que organizan os compañeiros da Escola Galega de Espeleoloxía.

Máis info + preme aquí

Segue Lendo...

INFORMACIÓN HAPPY

Xa queda moi pouco tempo, o mércores 24  é o último día para apuntarnos a HappyGoRunning.

Os apuntados a Andaina debemos estar ás 15,30h na Praza Miralles para a recepción e entrega agasallos e avituallamento. Comezaremos a camiñar ás 16h para rematar ás 19h. (10km). Recomendamos achegarnos ao Campus pola estrada Clara Campoamor (Cunqueiro).

Podemos ir cos nenos si xa cumpriron os 13 anos, pero os nacidos a partir do 2006 non poden facer a andaina pero si os podemos deixar na piscina gratis, (levar gorro de baño e toalla) ou na zona de xogos prevista para eles.

Rematada a actividade haberá un acto no que se realizará un sorteo e, rematado este, nos ofrecen uns pinchos gratis sen a bebida.

Podedes apuntarvos desde o club para a Andaina son 4€.

Si participades na carreira o debedes facer a través de este enlace, preme aquí. 

¡APUNTARVOS XA!

Segue Lendo...

RECORDATORIO ACTIVIDADE SAN ISIDRO

Saímos o xoves ás 6,00h Praza de España.

Lembrade levar a mochila de ataque preparada para camiñar, tamén o piolet e crampóns os que van facer montaña. Non é necesario saco de durmir, toalla e demais si.

Importante: Levar cea para a noite do xoves.

Segue Lendo...

O BANFF en Vigo

O mércores día 10 foi presentado no Concello de Vigo o Banff Mountain Film FestivalWorld Tour que, co motivo do 75ª Aniversario ven a encher a nosa programación neste 2019. Ademais do Alcalde Abel Caballero, asistiu a este acto o Concelleiro de Deportes Manel Fernández e a Vicerreitora  de Comunicación e Relacións Institucionais da UVigo, Mónica Valderrama.

O noso Presidente e Vicepresidente, Carlos Garrido e Lois Faro explicaron os pormenores do festival a todos os presentes que tomaron nota da programación e características do mesmo. Houbo tamén pola nosa parte agradecementos a todas as entidades colaboradoras que, xunto co Concello de Vigo, fixeron posible achegar a Vigo este fantástico festival.

Este Festival chega por primeira vez a Galicia despois de estrearse en España no ano 2016. Vigo será unha das máis de 380 cidades de todo o mundo onde se programa pois percorre máis de 48 países xa desde os anos oitenta. 

TRAILER

En España é a Fundación do Festival de Cine de Huesca os encargados da súa programación. Trátase dun dos festivais de cine de montaña e aventura mías prestixioso do mundo, procedente de Canadá, e que agardamos sexa da vosa satisfacción.

Podedes conseguir as entradas en Ataquilla.com, na rúa Policarpo Sanz 26, ou tamén teremos algunhas a venta no club. O prezo é de 4€.

Nas nosas redes podes recibir todas as novas do evento, preme aquí.

Programa:

Moitas gracias os colaboradores para que este acto fora posible:

Abanca, Concello de Vigo, Universidade de Vigo, Federación Galega de Montañismo, Iddeas, Terra, Os20, Autos González e Hotel Coia de Vigo

Segue Lendo...

SEMANA SANTA: SAN ISIDRO

Vai rematando o prazo para apuntarse a actividade de S. Santa en S. Isidro.

Aos interesados en esquiar, onde imos estar pódese alugar material sen necesidade de facelo na estación.

Tamen, para abaratar bastante a actividade, neste caso é posible desayunar e cear no apartamento cada un pola súa conta.

Máis info no club, pero canto antes mellor. Grazas.

Segue Lendo...

A Buraca das Choias: O tesouro inundado do Courel

Venres 12 de abril ás 20,00h

Casa do Deporte, Luís Ksado, 17 Vigo.

(Auditorio edificio federacións)

De man de Miguel Callejón e José Carlos Holgado, espeleobuceadores do club madrileño de exploración e actividades subacuáticas GEOCEANIC, e a través das imaxes obtidas cas súas cámaras ao longo de case dous anos de traballo, poderemos achegarnos aos máis de 1.000 m de cova asolagada e aos seus misteriosos e novos espazos escondidos ao longo deste río baixo a montaña do Courel.

Neste proxecto participan preto de 45 espeleólogos de Madrid (Geoceanic, Geoda, Gran Diedro) e Galicia (G.E. Lugo, C.E. A Trapa, G.E.S. Ártabros, e algún deportista independente). 

A complexidade loxística e técnica, o volume de recursos humanos e materiais implicados para dar soporte aos espleobuceadores, os equipos de apoio, os de topografía e fotografía, os de exploración e prospección do territorio, converte a esta aventura posiblemente nunha das maiores expedicións baixo terreñas desenvolvidas en Galicia en todos os tempos.

Presentación:
Esta correrá a cargo do presidente do club CETRA, Marcos Vaqueiro Rodríguez, doutor en Ciencia e Tecnoloxía Ambiental, membro de numerosos organismos internacionais e autor de numerosas publicacións sobre espeleoloxía, ademais de catalogar e topografiar máis de 90 cavidades en Galicia.

DESCARGAR CARTEL ACTIVIDADE

Segue Lendo...

CAMISETAS 75º ANIVERSARIO

¡¡Xa temos camisetas do 75º aniversario!!

A partir de mañá temos no local social 60 camisetas de varias tallas, modelo home ou muller, cor vermella e pistacho. 

Segue Lendo...

Illas Cíes e III concurso fotográfico

A lista está aberta dende hoxe día 5 de abril ata o xoves día 25

Disfrutaremos con tranquilidade das marabillosas illas Cíes nunha actividade concertada polo noso club.

Esta é unha magnifica oportunidade para, se a meteo acompaña, pasar unha fantástica xornada e coñecer de primeira man o seu valor natural e paisaxístico ao contar coa información dun guía no percorrido.

Ao longo desta xornada tamén celebraremos o III Concurso Fotográfico, proposta dos nosos socios Susana Serantes e Carlos Carrera. Nesta edición os participantes terán total liberdade durante o día para moverse pola illa na procura das mellores instantáneas.

Para leer toda a info  preme aquí:


BASES CONCURSO FOTOGRÁFICO EN GALEGO

BASES CONCURSO FOTOGRÁFICO EN CASTELLANO

Boa ocasión para convidar tamén a algúns amigos, aínda que non sexan socios do club.

Segue Lendo...

HappyGoRunning - Cidade Universitaria

Sábado 27 ás 16h.

A carreira/andaina HappyGoRunning – Cidade Universitaria é unha iniciativa da Área de Benestar, Saúde e Deporte da Universidade de Vigo na que colaboran entidades como o Concello de Vigo, o Club Peña Trevinca Montañeiros de Galicia e a Fundación Galega contra o Narcotráfico.

VÍDEO PROMOCIONAL

A versión "Andaina" é organizada polo noso club. Lembrade que foi mudada de data polas eleccións.

Os nenos poderán disfrutar da ludoteca e piscina de balde mentres os pais realizan a camiñada de 10km que, en tres horas, nos levará á meta e a participar nun sorteo e festa en torno a esta actividade. 

Tamén podedes participar na carreira, escollendo a modalidade de 10 ou 6.6km.

A inscrición xa está aberta, ata o día 24, e podedes facelo, coma sempre, chamando ao club, ou premendo aquí.

MÁIS INFO: TRIPTICO

Segue Lendo...

SEMANA SANTA EN SAN ISIDRO

Nesta Semana Santa desprazarémonos á zona de San Isidro. Estaremos no Parque Rexional de Picos de Europa, figura ambiental que inclúe na súa parte máis setentrional o Parque Nacional dos Picos
de Europa.

Para o xoves temos a ascensión ao pico Susarón (1878 m.). O venres temos un clásico: o camiño de Wamba. Faremos nese día os cumes de Peña El Viento (1992 m.), Rapaínes (2019 m.) e A Rapaona (1973 m.), picos do cordal que vai ata o porto de Tarna.

O sábado, dende terras asturianas acercarémonos cruzando vellas “majadas” de pastores ata os xigantes do cordal de Fuentes de Invierno: o pico Fuentes (2000 m.) e pico Nogales (2071 m.), nunha ruta circular de certo 
desnivel.

Para o derradeira xornada deixamos o pico Torres (2098 m.) marco e sentinela do porto de San Isidro, cume de explosiva ascensión.

A LISTA ESTA ABERTA DENDE HOXE DIA 2 ATA O DÍA 12 DE ABRIL

Todas as xornadas haberá variantes máis doadas para o Grupo B ou senderistas e os esquiadores, de pista ou de fondo, terán todos os días a posibilidade de gozar das estacións de San Isidro e Fuentes de Invierno.

Segue Lendo...

Actividade infantil no Monte Xesteiras

Fantástica xornada dos nosos infantís que atoparon unha magnifica alternativa este pasado domingo no Monte Xesteiras e disfrutaron, non sen esforzo, das fermosas vistas dende o cume onde tamén desplegaron a bandeira do club.

AS FOTOS

¡NORABOA RAPACES!

Segue Lendo...