Co peche do Albergue de
Ancares pasan á historia as páxinas e vivencias que
moitos montañeiros galegos viviron, e vivimos, nas frías e húmidas
paredes deste refuxio.
Tivo etapas -entre os
setenta e os oitenta- de grande afluencia, cando ir a Ancares era
verdadeiramente unha aventura. Dispuxo durante moito tempo dunha
“Habitación dos Montañeiros” máis fría ca unha neveira, as ultimas transformacións foron ampliando a súa capacidade e
comodidade e, a pesar de que certos problemas nunca se arranxaron,
sempre foi moi querido entre o noso colectivo.
A nosa sección máis veterana pernoctou nel
por última vez hai agora xusto un ano, e as Seccións Infantil-Xuvenil fixéronno o pasado mes
de decembro. Foron estas as derradeiras ocasións que puidemos desfrutar da amabilidade de Marcial -o seu garda e montañeiro- que tan ben nos
trataba e comprendía.
Lamentamos que problemas
financeiros e de continuidade do Histórico Club Ancares teñan como
consecuencia o peche do Albergue. Ogallá algunha institución se
dea de conta da gran oportunidade que para a zona significaría
relanzalo en boas condicións, axudaría na necesaría dinamización desta zona.
FOTOS DUNHA ACTIVIDADE DO CLUB (XANEIRO 2012)
No hay comentarios:
Publicar un comentario
Los comentarios aparecerán publicados una vez sean revisados por el administrador del blog.