SEMANA SANTA: BENASQUE (24 AO 28 DE MARZO)

Xa vai chegando a data e imos concretando as actividades e a información para esta agardada actividade, nun dos lugares máis impresionantes do Pireneo.

SAIREMOS O MÉRCORES 23 ÁS 24 HORAS.  Faremos unha parada de 4h na mañá do 24, para chegar a Benasque en torno ás 18h.

As pernoctas serán na Escola de Alta Montaña de Benasque. Están reservadas 40 prazas, polo que é preciso apuntarse canto antes por se temos a necesidade de ampliar este número.

 

A LISTA ABRÍMOLA O MARTES DÍA 1, ATA CUBRIR AS PRAZAS.

 

AS ACTIVIDADES

 

**MONTAÑA E SENDEIRISMO:

PARA PODER PARTICIPAR É OBRIGATORIO ESTAR EN POSESIÓN DA LICENZA FEDERATIVA.

Aínda que a última palabra a vai  dar a climatoloxía, nós temos preparadas unha serie de ascensións e lugares a visitar coas que pensamos satisfacer a todos os que vos apuntedes a esta actividade.

A ascensión ao Aneto (3404m) forma parte do programa e xa están reservadas 10 prazas no refuxio da Renclusa, para a noite do día 25.

Para esta actividade, que en principio terá lugar o día 26, será preciso ter feito, cando menos, o curso de “Aproximación á Montaña Invernal”, ou ter demostrado experiencia na utilización dos crampóns e piolet. O material necesario será, ademais dos crampóns e piolet, arnés, mosquetón e casco. Con todos os interesados nesta actividade teremos unha xuntanza nos días previos á partida. (Probablemente o mércores 16).

Sen establecer o día exacto, pois a climatoloxía será un condicionante importante, temos previsto realizar a ascensión ao pico de Paderna (2622m) ou ao pico Alba (3107m), visitando nese día o Forau de Aiguallut e o plan d´Aiguallut.

Noutra xornada alcanzaremos os ibóns de Batisielles e a ascensión probable ao pico Perramó (2904m).

Outra alternativa de actividade probable é o pico Perdiguero (3221m). Tendo a posibilidade tamén de ascender a Tuca de Roques Trancades (2755m), para contemplar a impresionante mole do Aneto, dende a estación de Cerler.

 

 

**ESQUÍ:

Loxicamente os esquiadores terán aquí unha gran oportunidade xa que o autobús os subirá todos os día á estación de Cerler, onde, neste ano tan irregular, poderán disfrutar das excelente pistas de esquí desta gran estación.

 

 

Calquera dúbida que teñades a aclararemos, se chamades ao club no horario de costume.

VEN PASAR UNS DÍAS DE ALTA MONTAÑA E NEVE

 

 

Share: