Meteorolóxica e
deportivamente falando, como o que aconteceu no Auditorio do Teatro
Afundación coa proxección do agardado Banff,
podemos dicir que vivimos o sábado 4 unha gran tarde.
As boas
expectativas que tiñamos postas neste acto de celebración do 75º Aniversario,
un máis, quedaron cumpridas cos nove
cortos que compoñen a proxección do BANFF MOUNTAIN FILM FESTIVAL WORLD TOUR neste
ano 2019 e que moitos disfrutamos.
Cun aforo de 460
butacas, que estivemos a piques de
completar, gozamos dunhas imaxes cargadas de espectacularidade e beleza pero,
algo que nos chamou a atención a moitos, non exentas dun enorme contido de
humanidade amor e de superación que engaiolaron máis aos espectadores e nos
fixeron pasar unha autentica tarde de CINE cando aínda tiñamos na mente o
ofrecido na tarde anterior por Miquel Mas e a tremenda escalada nas Torres del Paine.
O acto de
presentación do festival correu a cargo de Mª del Carmen Echevarría, xefa do
Gabinete de Prensa da UVigo e socia do
club, Alberto Bosque, representante de Banff España, e o noso Presidente Carlos
Garrido.
Debemos deixar
constancia aquí da nosa gratitude a
todas as persoas e entidades públicas e privadas que colaboraron e fixeron posible que este
acto tivera lugar, e vos transmitimos a todos os socios e amigos os parabéns
dos responsables da Fundación Internacional de Cine de Huesca que van ter tamén a Vigo como un referente de calidade e
participación.
MOITAS GRAZAS E PARABÉNS A TODOS
Agradecementos:
Abanca, Concello de Vigo, Universidade de Vigo, Federación Galega de Montañismo, Iddeas, Terra, Os20, Autos González e Hotel Coia de Vigo
Abanca, Concello de Vigo, Universidade de Vigo, Federación Galega de Montañismo, Iddeas, Terra, Os20, Autos González e Hotel Coia de Vigo
No hay comentarios:
Publicar un comentario
Los comentarios aparecerán publicados una vez sean revisados por el administrador del blog.