Días 17, 18 e 19 de maio
A lista de inscrición abrirase o xoves 2 e pecharase o venres 10.
Aproveitando esta longa fin de semana da celebración das Letras Galegas imos percorrer a vertente máis setentrional do macizo oriental dos Picos de Europa, comezando e rematando esta aventura lonxe, nas terras dos concellos de Peñamellera Baja e Cabrales.
Temos previstos percorridos adaptados a distintos niveis de forma física, sempre tendo en conta, a esixencia xeral de “Picos”
Para aproveitar mellor os tres días, sairemos de Vigo, na noite do xoves ao venres, ás 00:00 horas. Así chegaremos ata Arenas de Cabrales, onde almorzaremos antes de comezar a marcha por onde a aldea de Oceño.
Todos os días faremos base no albergue de Sotres.
Día 17: En continua e longa subida faremos os principais cumes das estribacións da serra de Nedrina: o Pico Jajao (1440 m.) e Obesón (1444 m.), rematando a andaina na vila de Sotres, onde faremos base.
Día 18: Imos penetrar no corazón do macizo, onde o circo das minas e vegas de Andara, cos tentadores cumes das moles do Samelar (2237 m.) e Sagrado Corazón (2214 m.) a man.
Día 19: Saíndo de Sotres cara ao norte, percorreremos en eterna baixada a coñecida como Calzada Romana de Caoru, camiño milenario que nos levará de volta a Arenas de Cabrales cruzando a Serra Portudera, por bosques, veigas, malladas e illadas brañas. Sabede que nestas terras se produce o mellor Queixo Picón de Asturias, ou sexa, do mundo.
¡Ven descubrir a verdadeira montaña calcaria!
No hay comentarios:
Publicar un comentario
Los comentarios aparecerán publicados una vez sean revisados por el administrador del blog.