Campioa Galega Absoluta de Dificultade en Escalada

Araceli Vale fixose có primeiro posto no Campionato Galego de Dificultade de Escalada en categoría Absoluta celebrado en Lugo este sábado. ¡Queremos desexarte unha enorme noraboa! A nosa socia con tan só 16 anos, desbancou a todos no campionato de categoría Absoluta.


Cando se xunta a forza  da xuventude coa ilusión e o apoio familiar e do entorno o éxito está case asegurado. E así aconteceu o pasado sábado 24 de outubro no rochódromo de Lugo cun novo éxito desta moza deportista.

Con tan so 16 anos superou a competidoras de máis idade e experiencia grazas ao seu esforzo e sobre todo a súa constancia  que, como pasa noutras modalidades deportivas, é imprescindible si se quere manter un nivel competitivo axeitado.

Resumo no seguinte vídeo da TV de Lugo

O éxito de Araceli, socia do club xunto ca toda a súa familia dende hai sete anos, ven sendo tamén o éxito de todas as persoas que a rodean e apoian neste obxectivo,  e entre elas está o seu preparador e técnico da EGAM José Juan Domínguez.

A escalada, para aqueles que non estades moi metidos na materia, é xa unha modalidade olímpica e tiveramos disfrutado dela de non ser polas circunstancias actuais. O club, levado tamén pola ilusión de estas socias, Estela Miles, Campiona sub -16 no 2019 en Ourense, Araceli  Campiona 2019-2020 e Natalia Vale que lle anda ás costas a súa irmá, está a facer o posible para facilitar o labor e poñer os medios para facer realidade os seus soños. (As tres saben o que é representar a Galicia en competicións nacionais).

Con esta idea, a pesares das dificultades, neste mes de outubro botamos a andar de novo as xornadas de escalada no rochódromo da UVigo ata o mes maio, onde 50 persoas adestran ao longo da semana e das cales 12 están en idade inf-xuvenil.

Felicitamos pois a nosa Campiona Araceli Vale desexando sobre todo que sexa feliz e aproveitamos para dar a nosa  noraboa a todos e a todas que lle axudan a facer posible esta realidade. O noso agradecemento, como non, aos responsables de deportes da Uvigo, o noso terreo de xogo, que nos facilitan moitísimo o  traballo e son uns colaboradores excelentes, ¡Moitas grazas!

Deixámosvos testemuñas de como recolleu a noticia a prensa estes días:



Tamén queremos agradecer a todos os participantes na competición por manter as medidas de seguridade e hixiene necesarias polo protocolo COVID-19. O espectáculo fíxose sen público e con todas as medidas precisas para que a seguridade fose o primeiro.

Todas as noticias e fotos ó detalle dos bloques da competición neste enlace

A clasificación do campionato, preme aquí

spacer

Bautismo de mergullo: O mar non é só para pescar

Ola a todos!

Que mellor que inaugurar a sección de Medioambiente con algo que temos na casa, As Illas Cíes!

Resulta que o domingo 18 de outubro o club decidiu facer un bautismo de mergullo. Así se chama a actividade que da pé a calquera que queira coñecer a sensación de respirar somerxido por primeira vez. E alá fomos, as nove da mañá xa estabamos no peirao de Bouzas con ganas de tocala auga.

Vista das Illas Cíes dende a Ría de Vigo, o tempo a primeira hora non parecía acompañar demasiado.
Vista das Illas Cíes dende a Ría de Vigo, o tempo a primeira hora non parecía acompañar demasiado.

Saímos en dirección noreste cara as Illas e en pouco máis de 30 minutos alí nos atopábamos, entre a Illa do Faro e San Martiño. Polo camiño contemplábase a beleza destas montañas que sobresaen do mar, aínda que o Parque Nacional é Marítimo-Terrestre (categoría outorgada en 2002, pero Parque Natural dende 1980), a porción de terra non é máis que o 15% da superficie do mesmo. Fermosas terras que fan de refuxio para cantidade de aves, como a gaivota patiamarela (Larus michahellis) e o cormorán moñudo (Phalacrocorax aristotelis) e réptiles coma o eslizón ibérico (Chalcides bedriagai, en peligro de extinción) ou o lagarto ocelado (Timon lepidus). Pero neste texto ímonos centrar no 85% restante, O mar!

O mundo somerxido que non nos queríamos perder! De esquerda a dereita temos unha gorgonia (tipo de coral), un fondo rochoso plagado de Sargassum muticum (macroalga invasora procedente de Japón) e unha pradeira de laminarias (Laminaria ochroleuca, na Ría hainas que chegan ata os 3 metros).

A reserva que aquí temos sustenta un ecosistema mariño impresionante. Os seus fondos están compostos de area e rocha cheos de vida gracias os afloramentos de augas profundas forzados polos ventos de compoñente norte. Estes afloramentos veñen cargados de nutrientes e permiten que prolifere unha comunidade de algas de máis de 200 especies (non esquecer que son a base da cadea atrófica no mar!), pero tamén son os causantes de esas xélidas augas que temos durante a época estival... A 14ºC estaba a auga o domingo!

Tras unha pequena explicación do medio mariño e do equipo que íamos a empregar...Á auga!

Cando se cita o mar, a maioría da xente pensa na pesca, un pequeno porcentaxe noutro tipo de explotación mariña (coma a extracción de petróleo) e un porcentaxe minúsculo na beleza que aporta tan só contemplalo, xa sexa na superficie ou nas profundidades do océano. O domingo pasado nós formamos parte de ese ínfimo porcentaxe.

Coa axuda dos instrutores de mergullo, fomos capaces de formar parellas e somerxernos nas augas das Illas Cíes. Todos mantivemos a calma e desfrutamos do entorno. Ben é certo que a auga non estaba de todo transparente, isto non é o Mediterráneo, pero debido a iso temos a alta produtividade das nosas Rías, gañando a fama de marisco boísimo e polbo á feira!

Esta é unha mostra do ben que o fixeron os buzos primerizos!

Puidemos contemplar un montón de especies de peixes; se ben é certo que estamos acostumados a velas na pescadería, “este gran tamaño non se atopa á venta” como dicían por aí. Vimos bancos de sargos, lubinas, algunha maragota, e infinidade de peixes camuflados co fondo e outros pequenos flotando case á mercé das correntes. Nas augas das Illas Cíes tamén hai sepias, polbos e algún cabaliño de mar. Esta diversidade de especies é algo difícil de atopar noutros lugares e basease no xa mencionado aporte de nutrientes que se da nestas Rías.  Déixovos algunhas fotos para dar envexa a todos aqueles que non puideron probar este deporte.

De arriba á esquerda cara abaixo á dereita temos o noso famoso polbo (Octopus vulgaris), un sargo (Diplodus anularis), un tordo (Symphodus bailloni), unha sepia (Sepia oficinalis), un cabaliño de mar (Hippocampus guttulatus), una fermosa anémona (Anemonia viridis) e un pez escorpión (non podo asegurala especie).

O océano supón case o 71% do noso planeta (mal chamado Terra), pero coñecemos máis do que que hai na Lúa que do que se esconde nas profundidades do mesmo. Por dar un par de datos vos direi que 1) o océano ten un papel importantísimo no ciclo da auga, e todos precisamos de auga para sobrevivir; 2) nel habitan microalgas que, como as árbores na terra, realizan a fotosínteses e eliminan case o 50% de CO2 que producimos agasallándonos tamén co oxíxeno que respiramos; 3) o océano está en continuo movemento e interacciona coa atmosfera superior tendo unha grande influencia no clima (sen ir máis lonxe, pensáchedes algunha vez por qué Nueva York ten uns invernos tan fríos se nós estamos case a mesma latitude?) e 4) a profundidade media do océano é de 3900 metros polo que aínda nos queda moito por explorar!

O que quero transmitir aquí é que o Mar non é solo para pescar. O mar é unha fonte de recursos, sen dúbida, pero non por elo deben aproveitarse sen ter unha boa xestión. De non ser porque as Illas Cíes forman parte dunha reserva, hoxe publicaría aquí moitas menos fotos...

Eu estou segura de que todos os que foron facer o bautismo de mergullo quedaron encantados e con ganas de repetir. Agora espero que os que leedes isto tamén vos pique un pouquiño máis a curiosidade.

 E por se fora pouco, uns golfiños déronnos a benvida na volta a casa.

Camiño de volta a casa, dous exemplares de arroaz ou delfín mular (Tursiops truncatus).

A vogal de medioambiente,

Cristina Fernández González

TODAS AS FOTOS AS TENDES AQUÍ


Referencias y lecturas relacionadas:

  • Atlas y Libro Rojo de los Anfibios y Reptiles de España. Juan M. Pleguezuelos, Rafael Márquez, Miguel Lizana. Editorial: ICONA (Organismo autónomo parques nacionales).
  • Field, C.B.; Behrenfeld, M.J; Randerson, J.T.; Falkowski, P.. (1998). Primary production of the biosphere: Integrating terrestrial and oceanic components. Science 281 237
  • www.parquenacionalillasatlanticas.com


spacer

Campioa Galega de Dificultade

Araceli Vale fixose có primeiro posto no Campionato Galego de Dificultade de Escalada en categoría Absoluta celebrado en Lugo este sábado. 

¡Queremos desexarte unha enorme noraboa!


A nosa socia con tan só 16 anos, desbancou a todos no campionato de categoría Absoluta.

Tamén queremos agradecer a todos os participantes por manter as medidas de seguridade e hixiene necesarias polo protocolo COVID-19. O espectáculo fíxose sen público e con todas as medidas precisas para que a seguridade fose o primeiro. 

¡Noraboa tamén a todos os competidores!



spacer

NUESTRO CLUB QUIERE SER ELEGIDO EN LAS ELECCIONES FEDME, SI CONTAMOS CON TU APOYO

Este año corresponde celebrar elecciones en la Federación Española de Deportes de Montaña y Escalada (FEDME) y de hecho ya estamos metidos en el calendario electoral.

Somos conscientes que a muchos de vosotros os puede parecer que nos "pilla lejos" este Organismo pero es nuestro deber el deciros que no es cierta esta afirmación o pensamiento. Cada vez más cualquier estamento (clubs, deportistas, técnicos y árbitros) deben de estar unidos y muy bien representados pues otros organismos superiores toman decisiones que sí nos afectan, y mucho, en nuestra actividad, que en muchos casos es simplemente ir a caminar al monte.


Licencias, acceso a zonas protegidas, formación, intrusismo, competencias, representación en instancias superiores, reglamentos en competiciones.....nos pueden afectar en algún momento y, en muchos casos ni nos enteramos hasta que ya están tomadas.


En esta convocatoria electoral será necesario celebrar votaciones pues, entre otras cosas, que se sepa, hay dos candidatos a la presidencia. Es momento pues de, en primer lugar, mostrar nuestro agradecimiento a quien presidió durante tantos años este organismo federativo, Joan Garrigós, muchas gracias, y también es momento de  tomar conciencia para reactivar nuestro máximo órgano de representación para lo cual os pedimos vuestra participación en este proceso ya que nuestro club tiene intención de presentarse como miembro de la Asamblea de la FEDME y apoyará a unas determinadas candidaturas de deportistas o técnicos.


Puedes seguir el proceso pulsa aquí 


En Vigo tendremos la opción de votar presencialmente, en principio, el día 10 de diciembre, pero si ves que esta opción no es posible para ti, entre el 15 de octubre y 5 de noviembre podrás solicitar el voto por correo (nosotros te explicamos cómo tramitarlo fácilmente).


Os mantendremos informados y os pedimos que os involucréis, porque entre otras cosas nuestro Club quiere ser un digno representante de los Clubs gallegos ya que de Galicia únicamente podrá estar un solo club.


Podemos aclarar cualquier duda podéis llamar al club o al 660 69 35 35.


spacer

FOTOS DA MULTI-AVENTURA NO ALTO ESLA

Cando se xuntan o bo tempo, en medio dunha paisaxe outonal excepcional, o bo ánimo e as gañas de disfrutar as ascensións tocando a montaña cas nosas mas, en tensión, temos todas as premisas para unha excelente fin de semana. E así foi, vimos de disfrutar da montaña como había tempo que non acontecía e podemos dicir que casi nos "desquitamos" de non ter ido a Pirineos pois había unha "necesidade" xa de facer algo así.

Agradecemos, aínda que esté mal en dicilo, o excelente traballo unha vez máis dos vogais responsables da actividade; Tomás, J. Antonio e Grova e tamén a colaboración de todos nas axudas nos pasos complicados, que foron moitos, cunha mención especial a Rafa e Tito. Fixemos montaña en equipo.

Grazas a todos tamén por respectar as condicións especiais obrigadas polo covid 19.








spacer

IMPORTANTE: MULTI-AVENTURA NO ALTO ESLA (León) 10, 11 e 12 de outubro

Hora de saída ás 6.00h. da Praza de España.
Levar saco de durmir.
Se podedes descarga e cubre a folla de responsabilidade do COVID19.




spacer

O CLUB PEÑA TREVINCA NOVO VIGUÉS DISTINGUIDO

Hai xa uns meses que o Concello de Vigo outorgou este galardón ao noso club pero, como tantas cousas este ano, o acto de entrega foise demorando no medio da incertidume xa habitual que vén transformado o noso día a día do ano 2020.


O pasado sábado 3 de outubro nun acto marcado, como non, polo protocolo do Covid 19, celebrouse no Auditorio Mar de Vigo este evento previsto nun principio para o mes de marzo.

Un acto no que, como dixo no inicio a presentadora do mesmo, “faltarán os apretóns, os bicos e o darnos man, faltarán os familiares e amigos que noutras circunstancias encherían o auditorio. Pero a cidade non falta á cita coas persoas e colectivos que, traballando altruistamente e de forma desinteresada, merecen este recoñecemento”. E entre estes colectivos estaba, o Club Peña Trevinca Montañeiros de Galicia.

Tan só puidemos asistir cinco persoas, entre as que se atopaba Olga Abad Valverde, con xa 71 anos de socia na nosa entidade. Con ela quixemos que estiveran representados todos os socios de Peña Trevinca pois Olga, filla dun dos fundadores, é uns dos exemplos máis destacables de fidelidade a este club.


Este emotivo acto viu pechar, casualmente, os actos de celebración do 75º Aniversario, xunto coa exposición finalizada no pasado mes de agosto.

Dende a Xunta Directiva actual FELICITÁMOSVOS a todos: aos socios, tanto aos que o son dende 1944 como aos máis recentes, aos exdirectivos e expresidentes, e ás familias de Antonio e Pepe Villaverde, Natalio Abad e Gonzalo Gurrriarán que tanto seguen aportando a este club. A esa lista interminable de persoas que levaron nalgún intre, e levan, o recordo máis amable do club no seu corazón, homes e mulleres, iniciadoras deste deporte naqueles tempos e continuadoras imprescindibles na nosa entidade, NORABOA E MOITAS FELICIDADES por este nomeamento.

Para min foi unha satisfacción e orgullo moi grande recibilo no nome de todos vós.

Agradecementos tamén para as persoas responsables desta nominación e ao Alcalde de Vigo Abel Caballero.

O Presidente, Carlos Garrido Costas.




spacer