Na edición de hoxe do suplemento "Universitas" atopamos unha reseña ao convenio firmado entre a Universidade e o Club Peña Trevinca.
HOXE NO "ATLÁNTICO"
ACEITE DE CAZORLA
Xa temos no club o aceite de Cazorla.
¡¡¡VIR BUSCALO. NON VOS DEMOREDES!!!
REUNIÓN CAMPAMENTO DE VERÁN: DOLOMITAS
Hoxe, martes 7 ás 20:30 horas, celebrarase no noso local a segunda reunión informativa sobre o campamento de verán que este ano será en Dolomitas.
¡¡¡OS INTERESADOS NON A PERDADES!!!
Fotos "Cea homenaxe ao socio" (Marzo 2017)
A Xunta Directiva do Club Peña Trevinca Montañeiros de Galicia quere facer chegar os seus
parabéns a todos os homenaxeados durante a "Cea Homenaxe ao socio", celebrada o pasado sábado.
Enviamos tamén o noso agradecemento a todas as persoas que nos acompañaron esa noite.
Desexamos que co conxunto de actividades que preparamos con moito agarimo (proxeccións, xogos e moita música) gozarades da velada.
 |
| Socio de honra: D.Rogelio Otero |
 |
| 50 anos de socia: Mª Teresa Cameselle |
 |
| 50 anos de socia: Mª Vera Iglesias |
 |
| 25 anos de socios: J. Antonio Álvarez, Mª del Carmen Álvarez, Ana Mª Álvarez e Nicolás Teijeiro |
 |
| Pola súa axuda incondicional:Sechu López |
 |
| Pola súa labor no club:Antón Pena |
 |
| Pola súa labor no club: Paco Álvarez |
VER MÁIS FOTOS
Graciñas ao noso fotógrafo da noite, Carlos Carrera.
CONVENIO DE COLABORACIÓN COA UNIVERSIDADE
¡¡¡POR FIN CHEGOU A DATA!!!
ASEMBLEA XERAL ORDINARIA (Venres, 3 de marzo)
Non vos esquezades de que HOXE, no local social, celebraremos a nosa Asemblea Xeral Ordinaria ás 20:00 horas en primeira convocatoria e ás 20:30 horas en segunda convocatoria.
¡¡¡NON FALTEDES!!!
Fotos da saída invernal exprés en Babia
Un selecto grupo de 4 montañeiros do noso club tivo a sorte de
poder participar nesta primeira saída invernal "exprés" do ano.
Saímos de Vigo o venres pola tarde para chegar xa pasada a
medianoite a Torrebarrio, onde o coche marcaba -4ºC.
Despois de ir falando todo o camiño aínda non estaba totalmente
decidido o plan para o sábado. Xa sabedes que o noso vogal de
montaña adoita ter sempre varias opcións na recámara, e non
sabíamos cal escoller da boa pinta que tiñan todas, así que
quedamos en darlle unha voltiña máis coas almofadas.
O sábado decidimos optar polo máis próximo e saímos a camiñar dende
Torrestío, onde xa deixamos o xantar do domingo medio organizado.
Comezamos a camiñar con todos os bártulos de vivac ata o val de
Cualmarce. Só foron dúas horas de aproximación e xa estabamos
rodeados de neve, deixando unha boa parte do peso das nosas mochilas
e enfilando a ascensión ó cumio do Pico Calabazosa.
As sensacións, agora máis lixeiros e especialmente no último treito xa cos pinchos nos
pés, foron fantásticas e as vistas dos Picos Albos e Peña Orniz
magníficas. Nótase que xa pasaron bastantes días dende a última
nevarada e que está facendo calor, pero aquí arriba aínda queda
moita neve que nas caras máis sombrías está en boas condicións para
progresar cómodamente.
Despois do momento fotográfico no Calabazosa
seguimos polo cordal pasando por outros tres dousmiles, La Peña,
Pico Blanco e Diente ata a Collada de la Cuerría. Aquí xa nos decatamos de que este sol que nos permitiu andar todo o día en camiseta
estaba a piques de deixarnos coa realidade do inverno, así que
baixamos para o val de Congosto, remontamos Collado Solarco e de
aquí ben lixeiros a montar o vivac.
O domingo puidemos aproveitar, xa a primeira hora, o feito de estar en altitude, puxemos os crampóns nada máis saír das tendas e sen
máis dilación subimos a Peña de Solarco disfrutando da neve
da súa cara norte en perfectas condicións. Baixamos pola cara sur,
totalmente diferente, para inmediatamente subir ó Morro Negro, que
con 2152 metros foi o teito desta saída. Alí atopamos uns
montañeiros asturianos e aproveitamos para gozar das vistas dos
Ubiñas, Peña Orniz, Montihuero e os vales de Majúa, Congosto e
Cualmarce. Xa só nos quedaba unha bonita travesía pola neve de volta
ó noso vivac para cargar todo nas mochilas e voltar a Torrestío, onde
nos agardaban uns suculentos filetes de potro.
E así foi esta fin de semana de bo tempo percorrendo vales e montes cubertos de neve cun grupo de amigos montañeiros.
E así foi esta fin de semana de bo tempo percorrendo vales e montes cubertos de neve cun grupo de amigos montañeiros.
"Gracias
amigos por este bo momento e tamén ó club por facelo posible coa
iniciativa destas saídas. Agardo que aínda teñamos máis
oportunidades así este mesmo inverno, que xa logo será primavera." Carlos.
"Salida exprés salida feliz." Fernanda.
"No se puede pedir más. Buena compañía, la montaña excepcional y buena gastronomía. Eso sólo en Trevinca." Javier.
"Babia nunca defrauda." Tomás.
"Babia nunca defrauda." Tomás.
Actividades xuvenís 2016
Aquí vos deixamos un vídeo no que aparece un resumo das actividades dos nosos xuvenís durante o 2016.
¡¡¡NON HAI QUEN OS PARE!!!
CALENDARIO MARZO
Xa podedes consultar a circular deste mes no apartado do blog "Circular do mes".
CEA HOMENAXE AO SOCIO (Sábado 4 de marzo, 21:00 h.)
¡¡ÚLTIMOS DÍAS PARA APUNTARSE!!
¡¡ANÍMATE A PASAR ESTA NOITE CON NÓS!!
