MARCHA NÓRDICA: CAMPIONATO DE ESPAÑA + FORMACIÓN DO EQUIPO GALEGO

Como ven sabedes, o 6 de Xuño de 2021 celebrarase o III Trofeo na Cidade da Coruña de Marcha Nórdica que acolle o Campionato de España Individual e de Federacións Autonómicas neste ano 2021.

Deixamos o cartel aquí, tamén o podedes seguir na páxina de facebook da FGM:
EVENTO FACEBOOK 

Co obxectivo de facilitar a formación do equipo galego de Marcha Nórdica, infórmovos as datas para a proba/tests:

 As datas e os lugares das probas serán:

• Sábado 15 de maio ás 10:00 na Coruña (zona Torre de Hércules).

• Domingo 16 de maio ás 17:00 no parque de Castrelos.

Para calquer dúbida sobre a formación do equipo galego, poñédevos en contacto coa FGM.

Segue Lendo...

MARCHA CONTRA O PROXECTO EÓLICO NA SERRA DA GROBA

Domingo 16 de maio ás 11h. temos a marcha reivindicativa de "Non aos eólicos na Serra da Groba".

Como sabedes o proxecto está pensado para instalar 54 aeroxeradores en 7 parques eólicos.

Se podedes non vos quededes sen ver o seguinte vídeo:

https://youtu.be/N3H7ofYLDI0

Toda a info no seguinte cartel e na páxina web de "Instituto de Estudos Miñoranos":

Segue Lendo...

ESCALADA: CONVOCATORIA PARA A SELECIÓN GALEGA CATEGORÍA INFATIL FEMININA

A FGM convoca unha proba para entrar a formar parte da selección galega de escalada que participará no Campionato de España de Seleccións Autonómicas en Idade Escolar. 

A FGM busca escaladoras galegas nacidas nos anos 2008, 2009 ou 2010 que escalen como primeiras de corda con fluidez. O prazo de inscrición é ata o 12 de maio. A proba se realizará en Rocolugo o día 16 de maio.

PROGRAMA DE TECNIFICACIÓN DEPORTIVA EN ESCALADA DE GALICIA

FORMULARIO DE INSCRICIÓN

CONSENTIMENTO INFORMADO

Para máis información podedes chamar ao club.

Segue Lendo...

INSTAGRAM

 ¡Xa temos Instagram! Somos @clubpenatrevinca

Seguídenos nas nosas redes ️

Segue Lendo...

NATALIA VALE, PODIO NA 2ª PROBA DA COPA DE BLOQUE DE MADRID

A Comunidade de Madrid foi a primeira que retomou as competicións neste ano 2021. Sen público, e respectando todos os protocolos COVID, a Federación Madrileña de Montaña realizou un gran esforzo para organizar a Copa de Bloque de Madrid. 

O rocódromo Roc30 da capital madrileña acolleu a segunda proba desta Copa o pasado 14 de marzo. Máis de 80 participantes acudiron a esta proba que, en quendas dun máximo de 14 persoas e durante una hora e media, tentaron resolver os bloques nos menores intentos posibles. Foi unha xornada moi rifada e emocionante onde todos os deportistas puideron escalar de maneira segura e moi concentrados. 

Dende Galicia achegáronse 5 deportistas do equipo de tecnificación de escalada, e entre eles a nosa socia Natalia Vale, de 14 anos, que competiu en categoría feminina Sub-16 acadando o segundo posto. Esta socia, que ven de acadar recentemente o seu primeiro 7c en Picoña, promete dar moitas alegrías e triunfos para o noso club. 

¡Parabéns a Natalia! e oxalá que tamén en Galicia poidamos ir retomando a normalidade pouco a pouco...

Toda a info da clasificación: 
https://www.fmm.es/images/documentos/actividades/escalada/2021/II_Copa_Bloque_Madrid_Roc30_2021.pdf

Segue Lendo...

TAMÉN EN BTT

O noso socio Alberto Ruibal “Tito” leva algúns meses intentando formar un grupo de socios e socias do club para formar un grupo e saír a realizar rutas en BTT.

Lanzamos esta mensaxe para dicirvos que apoiamos esta iniciativa e convidamos a aqueles que o desexen a que chamen ao club para ir formando unha lista e avisarvos en canto haxa unha actividade programada. 

¿Unha futura Sección de BTT? Por que non.... ¡Animádevos pois!

Segue Lendo...

HOMENAXEADOS 2021: DE 25 A 50 ANOS

O que non poderemos celebrar, polo menos de momento, é a “Cea Homenaxe ao Socio”, pero non esquecemos felicitar a aqueles que cumpren 25 ou 50 anos no club, agradecendo a súa fidelidade durante tanto tempo.

• Con 25 anos están: Vera e Antonio Graña Iglesias, Ángel Gómez Gómez, Esperanza Rivero e J. Luís Ferradanes, Luis Filipe Rguez., Asunción Aller Glz., Lucía Cerdeira Botana,  Juan Ribeiro Lago, Rosa Casal Tielas, Cristina Torres Rivera e J. Antonio García Mauriz.

• Con 50 anos no club: Jesús Mª Estévez Sanchez, Alfonso Ferreira Ramilo, Elodia Campo Álvarez, J. Antonio Cancelo Mariñas e José Mª Grova Fdz. 

Xa veremos en que momento podemos facer a vosa merecida homenaxe. 

¡Noraboa e moitísimas grazas!

Segue Lendo...

CAMISETAS TÉCNICAS CO LOGO DO CLUB

Os socios que queiran renovar o vestiario ou que non teñan a camiseta co logo do club, xa poden pasar polo local ou chamar en horario de 19:30 a 21:30 horas, de martes a venres, para reservala. 

As camisetas de manga longa son unisex con tallas S, M, L, XL, XXL e as cores son branco, negro, laranxa, vermello e azul royal. O prezo son 12€.

Nas de manga curta hai modelos para home e muller. As tallas son S, M, L, XL, XXL. As cores para home son branco, negro, vermello, azul royal, verde, laranxa. Para as mulleres as mesmas tallas e as cores branco, negro, vermello, rosa, verde, laranxa e azul royal. O prezo da camiseta de manga curta é de 10€.

Tamen hai tallas entre 4 e 16 anos.

Os prezos poden variar según a cantidade de camisetas pedidas. 

¡Tedes de prazo todo o mes de marzo para reservala!

Segue Lendo...

COVID19: NOVAS MEDIDAS DE PREVENCIÓN

Achegámosvos a circular interpretativa das novas medidas de prevención ante o COVID 19 durante a práctica deportiva enviada dende a Secretaría Xeral para o Deporte.

Por favor, leédela con calma para evitar interpretacións confusas ou erroneas, e moi importante.

Está destacado en amarelo todo aquelo que nos afecta como deportistas federados.

O máis importante neste intre e ter moita paciencia, e sobre todo, acadar o costume de actuar de xeito preventivo e evitar accións, condutas que podan conducir a un desenlace non desexado.

Desexamos que todos e todas esteades ben, e que nos manteñamos así ata o final desta época histórica difícil.

CIRCULAR INFORMATIVA

Segue Lendo...

NON AOS PARQUES EÓLICOS NA SERRA DA GROBA E DO GALIÑEIRO

¡Xa está o informe inicial de impacto ambiental publicado na páxina da Xunta!

Podes ler o informe da Xunta premendo aquí

IMPORTANTE: Está aberto o prazo de alegacións/consultas dos cidadáns. Por este motivo e de vital importancia que todos loitemos expoñendo a nosa negativa contra este proxecto. 💪

Preme aquí para chegar o "formulario de participación" e expoñer a tua opinión. Dentro do enlace tendes que entrar onde pon "Ir ao formulario" Ahí poderemos cada un de nos, alegar os nosos motivos en contra a destruccuón planificada da Serra da Groba.

¡¡NON ESPERES!!

¡¡Temos máis que nunca difundir pola imposibilidade de manifestarnos!!

Para estar informados do avance sobre este tema, recomendamos seguir o grupo de Facebook de "SOS Groba".

Segue Lendo...

ELECCIÓNS FEDME: Parabens e grazas

Xa temos os resultados definitivos que estabamos agardando, podemos confirmar que a vosa participación nas votacións a Asemblea da FEDME foi un éxito total para a candidatura de apoio a Alberto Ayora que promovemos dende o noso  club,  xa que saímos elixidos todos e nos primeiros postos dos estamentos do  proceso electoral.

Non temos unicamente que estar satisfeitos polo resultado, que o estamos  e  moito, se non tamén pola destacadísima participación  do voto por correo dende Galicia,  que deixou asombrados aos compoñentes da Xunta Electoral  que verificou este voto en Barcelona.

Agora, tras a elección do novo Presidente, Alberto Ayora, que terá lugar o 30 de xaneiro polos membros da Asemblea, tócanos poñernos a funcionar para que poidamos dar un pulo á FEDME poñendo en valor o montañismo pois, sendo a 5ª modalidade deportiva en nº de licenzas, temos moito percorrido por diante para mellorar en moitos aspectos cas administracións e outros entes deportivos. Sen esquecer o proxecto  a levar a cabo dende a nova dirección da federación no cal agardamos participar e tervos tamén informados.

Moitísimas grazas dende o Club Peña Trevinca e de toda a candidatura galega , os deportistas Fausto Blanco e Fernando Fdez. e os técnicos Katia Sanz e Javier Aradas,  polo apoio que nos transmitísedes cos vosos votos e a responsabilidade que asumimos. Tamén a gratitude que xa nos transmitiron tanto o candidato á Presidencia, Ayora, como dende outros clubs e federacións implicadas.

Podedes verificar os resultados premendo aquí

Segue Lendo...

¡¡BO NADAL E PRÓSPERO 2021!!

Esperamos que pasedes unhas felices datas navideñas deste ano tan especial para todos, xa que de seguro se pode sacar algo positivo, como por exemplo, lembrarnos as cousas verdadeiramente importantes da vida, aquelo polo que merece a pena vivir, e que as veces queda no esquecemento.

Pola nosa parte, queremos para o vindeiro ano axudarvos a seguir disfrutando do que verdadeiramente nos gusta a todos, ¡a natureza! 

Recibide da xunta directiva unha aperta máis forte que nunca para todos vos.

¡¡Bo nadal e próspero 2021!!

Segue Lendo...

TROFEOS CONCURSOS SOCIAIS 2020 e PRÓRROGA

Debido á situación que estamos a atravesar, este ano non haberá cerimonia nos PP Capuchinos pero aínda así, os que remataron os concursos terán o seu trofeo ou diploma. Os premiados este ano son:

• 2º Categoría: Mª Beatriz Pérez Vidal, Julio Fernández González.
• 150.000 metros: Leopoldo Ángel García Rodríguez, Enrique Toba Nardín, Augusto Vilas Casal.
• 250.000 metros: Cristina Conde Pérez, Pura Peña Freire, Francisco Lages MartÍnez.
• 500.000 metros: Tomás Campo Alfonso, Luís Rafael Suárez Valeiras.
• Socios Colaboradores: Manuel Pérez Blanco, José Bacelos González, Francisco Javier Pereiro Puga, Cristina Fernández González, Alexandre Martínez Schönemann, Inhaqui Solla Covelo.

Cómpre tamén mencionar a dous non socios do noso club, membros do CETRA-Club de Espeleoloxía A Trapa, Marcos Vaqueiro e Reinaldo Costas, que nos axudaron este ano nas actividades de espeleoloxía.

Se algún socio non se atopa entre os premiados ou como colaborador e cre que rematou algunha categoría ou colaborou nalgunha actividade social, por favor, que se poña en contacto co club canto antes.

Recordade que a partir do 1 de decembro xa se poden abrir as distintas categorías dos concursos sociais.

PRÓRROGA DE CONCURSOS SOCIAIS

Posto que neste 2020 tan distinto  non puidemos practicar o montañismo tanto como quixeramos, a Xunta Directiva decidiu prorrogar un ano a todos os socios con concursos abertos que teñan data limitada para a súa realización. Son todos excepto, Teitos, Metros e Memorial Gonzalo Gurriarán.

 

Segue Lendo...

AVISO LICENZAS

Na Asemblea celebrada o pasado sábado día 12 de decembro na sede da Federación Galega de Montañismo quedaron aprobados os prezos das Licenzas Deportivas para o ano 2021. Se ben quedou aprobado por maioría o manter os prezos de 2020, se instou á FGM a renegociar un novo prezo á baixa coa compañía aseguradora. Si chegado o caso, nos primeiros meses de 2021, de que esta negociación tivera efecto positivo se nos reintegraría a diferenza. 

Preme aquí para ver TODA a información

Lembrar a obrigatoriedade de estar en posesión da licenza para calquer actividade que queiramos facer: Escalada (xornadas na UVigo), sendeirismo, esquí, montañismo, etc. 

Xa se poden solicitar a partir do martes día 15.

Segue Lendo...

INFO ELECCIONS

Debido a non celebración das votacións no Principado de Asturias o proceso electoral quedou interrompido ata o luns día 14 en que o retomarán de novo. Pero, dado que o reconto dos votos por correo será posterior, non teremos noticias do resultado final ata o mércores 16.

De todas formas, xa vos damos as grazas a todos os que participástedes ben no voto por correo ou na votación de onte na sede da FGM. Vos teremos informados.

Máis info, preme aquí

¡Moitisimas grazas a todos!

Segue Lendo...

MOCHILA SOLIDARIA

Seguro que moitos de nós participamos e algún tipo de axuda social pero tamén dende a nosa entidade pedímosvos un pequeno esforzo pois como tal consideramos importante este tipo de axuda na nosa contorna. Dende hai uns meses, máis que nunca, somos testemuñas do reparto de alimentos que a diario  fai a parroquia do PP Capuchinos e, unha vez máis, lles faremos chegar a aportación dos socios e do club.

Quizais ao non ter motivos de pasar polo local, agás a recoller a lotería, faga que se reduza a nosa mochila deste ano xusto cando é máis necesaria. Por favor fagamos todos un esforzo para que isto non ocorra e poidamos levar a nosa solidariedade en forma de alimentos non perecedeiros á xente necesitada.

Outra opción é participar no "Banco de Alimentos", onde facilitan diversas forma de pago para facer unha donación destinada a mercar alimentos.

Deixámosvos este datos onde pode realizarse o ingreso directamente na oficina ou ben facer unha transferencia bancaria a calquera das duas contas:

• CONTA BANCARIA DE ABANCA:

TITULAR : Fundación Provincial Banco de Alimentos

IBAN: ES40 – 2080 – 5113 – 0630 – 4000 – 9557

CONCEPTO: Donación, nome e DNI

• OU BEN NESTA OUTRA DE CAIXA BANK:

TITULAR: Fundación Provincial Banco de Alimentos

Nº DE CONTA: 2100 – 8091 – 06 – 0200048543

CONCEPTO: Donación, nome e DNI

Tamén existen outros medios de pago como Paypal ou Bizum. Así como tamén  coa compra de cestas nos supermercados adheridos a campaña.  Toda a info aquí.

¡Moitísimas grazas!

Segue Lendo...

ELECCIÓNS NA FEDME

Xa na circular do mes de outubro dabamos conta deste importante proceso electoral no máximo organismo que temos os montañeiros, a FEDME, e da importancia que ten, hoxe en día máis, o poder ter unha representación forte nos momentos dos cambios.

Unha vez máis, pois o club xa ten formado parte da Asemblea da FEDME, presentamos a nosa candidatura no Estamento de Clubs e co apoio de outras entidades  galegas quixeramos obter esa representación xa que unicamente haberá un club de Galicia en dita asemblea.

Son dous os candidatos á Presidencia deste organismo, Alberto Ayora e Bernat Clarella, e os dous, con ganas de traballar ao mando da federación española,  forman parte da xunta directiva saínte.

De conseguir o club esta representación que buscamos nas urnas, a Xunta Directiva, acordou dar apoio ao primeiro, Alberto Ayora, tras os contactos que tivemos con el, pola renovación necesaria que propón e tamén  ao ir coñecendo o programa do seu equipo.

O podedes consultar  no seguinte enlace

Finalmente teremos a opción do voto presencial o 10 de decembro na sede da FGM en Vigo, entre ás 17,30 e 20,30h, pero dada a situación do COVID 19 a todos os que solicitásedes a opción do voto por correo vos pedimos que o  enviedes  apoiando esta candidatura, antes do día 3 de decembro. Aqueles que  non optaron por esta opción lles pedimos tamén o seu voto, xa acudindo á mesa,  e quedamos á disposición de todos para aclarar calquera dúbida. MOITISIMAS GRAZAS.

Aquí podedes ver  dúas entrevistas a Alberto Ayora

Preme aquí e preme aquí

Coñece a candidatura galega de apoio a AlbertoAyora

Candidatura en Galicia

Podedes seguir todo o proceso e o regulamento

¡Moitísimas grazas!

Segue Lendo...

AVISO IMPORTANTE: Cancelación actividades

Dende hoxe ata final de ano, quedarán suspendidas todas as actividades do clube, exceptuando unicamente as Xornadas de Escalada que se están a realizar semanalmente no rocódromo da universidade de Vigo.

Pronto esperemos volver a normalidade. ¡Coidarvos todos e ánimo!

Segue Lendo...

Campioa Galega de Dificultade

Araceli Vale fixose có primeiro posto no Campionato Galego de Dificultade de Escalada en categoría Absoluta celebrado en Lugo este sábado. 

¡Queremos desexarte unha enorme noraboa!

A nosa socia con tan só 16 anos, desbancou a todos no campionato de categoría Absoluta.

Tamén queremos agradecer a todos os participantes por manter as medidas de seguridade e hixiene necesarias polo protocolo COVID-19. O espectáculo fíxose sen público e con todas as medidas precisas para que a seguridade fose o primeiro. 

¡Noraboa tamén a todos os competidores!

Segue Lendo...

NUESTRO CLUB QUIERE SER ELEGIDO EN LAS ELECCIONES FEDME, SI CONTAMOS CON TU APOYO

Este año corresponde celebrar elecciones en la Federación Española de Deportes de Montaña y Escalada (FEDME) y de hecho ya estamos metidos en el calendario electoral.

Somos conscientes que a muchos de vosotros os puede parecer que nos "pilla lejos" este Organismo pero es nuestro deber el deciros que no es cierta esta afirmación o pensamiento. Cada vez más cualquier estamento (clubs, deportistas, técnicos y árbitros) deben de estar unidos y muy bien representados pues otros organismos superiores toman decisiones que sí nos afectan, y mucho, en nuestra actividad, que en muchos casos es simplemente ir a caminar al monte.

Licencias, acceso a zonas protegidas, formación, intrusismo, competencias, representación en instancias superiores, reglamentos en competiciones.....nos pueden afectar en algún momento y, en muchos casos ni nos enteramos hasta que ya están tomadas.

En esta convocatoria electoral será necesario celebrar votaciones pues, entre otras cosas, que se sepa, hay dos candidatos a la presidencia. Es momento pues de, en primer lugar, mostrar nuestro agradecimiento a quien presidió durante tantos años este organismo federativo, Joan Garrigós, muchas gracias, y también es momento de  tomar conciencia para reactivar nuestro máximo órgano de representación para lo cual os pedimos vuestra participación en este proceso ya que nuestro club tiene intención de presentarse como miembro de la Asamblea de la FEDME y apoyará a unas determinadas candidaturas de deportistas o técnicos.

Puedes seguir el proceso pulsa aquí 

En Vigo tendremos la opción de votar presencialmente, en principio, el día 10 de diciembre, pero si ves que esta opción no es posible para ti, entre el 15 de octubre y 5 de noviembre podrás solicitar el voto por correo (nosotros te explicamos cómo tramitarlo fácilmente).

Os mantendremos informados y os pedimos que os involucréis, porque entre otras cosas nuestro Club quiere ser un digno representante de los Clubs gallegos ya que de Galicia únicamente podrá estar un solo club.

Podemos aclarar cualquier duda podéis llamar al club o al 660 69 35 35.

Segue Lendo...