Luns 17 maio de 2021
Este ano o campamento infantil-xuvenil da
Federación Galega de Espeleoloxía foi organizado polo Club Alpino Ouresán.
Os nosos pequenos espeleólogos: Antón, Brais, Xoel e Artai desfrutaron da exploración das covas de Silverto e Zorra situadas na aldea de Covas en Ourense, fronteira natural entre Galicia e León.
Video de Sergio
Aquí temos algunhas fotos da Cova do Rei Centolo e da Mina Consuelo dos días 24 e 25 do mes pasado:
XUVENIL
Este mes imos facer unha actividade de espeleoloxía pensada para os rapaces en idade xuvenil para así ir consolidando este excelente grupo, ademais de ir recuperando todo tipo de actividades para eles.
Tamén estamos a traballar nas próximas
actividades de marcha nocturna (ten que acabar o toque de queda), campamento de
espéleo inf-xuv,
barranquismo, etc.
¿QUÉ É O IYCK?
No ano 2021 os espeleólogos de todo o planeta celebran o Ano Internacional das Covas e do Carst (IYCK), unha iniciativa promovida pola Unión Internacional de Espeleoloxía (UIS) que comenzou a súa andaina a finais de 2018 cunha idea moi clara: Canto mais coñecemos, mais podemos protexer e conservar.
O Ano Internacional das Covas e do Carst é un proxecto mundial para ensinar a todos sobre os recursos naturais que existen nas covas e que son de importancia crítica. Por elo o IYCK-2021 e as súas actividades, teñen como eixo fundamental compartir e divulgar coñecemento sobre o mundo subterráneo. E cunha idea moi clara: búscase achegar o coñecemento e a experiencia das covas ao público alleo ao mundo da espeleoloxía. E isto abrande aos estudantes e investigadores, ao público xeral, aos turistas espeleolóxicos (turismo deportivo, turismo aventura e turismo científico) ... E tamén, por canto das súas actuacións depende a protección, aos políticos e xestores do territorio.
AS COVAS E A SÚA IMPORTANCIA
Existen tres grupos principais de covas: As cársticas, desenvoltas por disolución das calías ou dolomías; as paracársticas desenvoltas por disolución de cuarcitas, xeso ou de sal; e as pseudocársticas que acolle a todas aquelas covas que non se desenvolveron por disolución: Isto abrande dende as areiscas ate as rochas magmáticas (volcánicas e plutónicas).
As calías e dolomías dan lugar ás maiores covas que se coñecen. Por destacar dúas: Mammoth Cave System en USA con 663 km de cova e a Sima Veryovkina en Georgia que acada os 2.212 m de profundidade.
Podedes consultar os récords de desenvolvemento e profundidade das covas do Mundo aquí: http://www.caverbob.com/
E si mirades no apartado adicado a “World Longest Talus, Conglomerate & Other Types”, seica algúns vos levades a sorpresa de descubrir que en Galicia temos algunhas das covas en granitos máis grandes do Mundo.
En Galicia abundan os granitos, e as calías apenas acadan o 2% da superficie da nosa comuniade.
Estímase que o carst cobre ao redor do 20% da superficie terrestre do Mundo, ao tempo que aporta auga para aproximadamente ao 10% da poboación mundial. Logo preservar as covas, e preservas as fontes e a auga para moita xente.
As covas:
¿QUÉ IMOS FACER OS ESPELEÓLOGOS GALEGOS DURANTE O IYCK?
Dentro do colectivo espeleolóxico galego, tan só a Federación Galega de Espeleoloxía e o Club de Espeleoloxía A Trapa asinaron como partners (colaboradores) coa UIS en prol de promover o IYCK-2021.
Polo de agora as actividades que se están a desenvolver céntranse en “compartir coñecemento”.
Por exemplo a Federación Galega de Espeleoloxía apostou entroutros por dous grandes proxectos: O desenvolvemento do Atlas Dixital Galego de Covas e Canons, que será un atlas dinámico baseado nun XeoServer e que será unha boa ferramenta para os espeleólogos, os investigadores, pero tamén para os xestores do territorio por canto poderán previr impactos nas covas (obras públicas), afeccións patrimoniais, xestión de áreas protexidas, .. E mesmo para rescates ou emerxencias. E o desenvolvemento do Espeleoparque da comarca da Mariña, no norte da provincia de Lugo: A idea é aproveitar que existen covas cársticas, paracársticas, pseudocársticas e covas de consecencia nunha mesma área, para promover unha visión diferente, enriquecida, e cientifico-deportiva da espeleoloxía.
E dende o C. E. A Trapa estan a desenvolver dous programas abertos de actividades que podedes seguir na súa web (http://cetra.es/iyck.html) e no seu Facebook (https://www.facebook.com/CETRA-106881691266922): Por unha banda estan a sacar unha serie de video-presentacións curtas agrupadas baixo dous títulos: “Non é o mesmo imaxinar que vivir" e “En calquer rocha ... en calquer lugar”. En todas elas integramos animacións das covas e fotografías, para amosar todos os valores e recursos relacionados coa xeodiversidade, biodiversidade e patrimonio cultural que existen nas covas. E por outra fixeron unha campaña en centros educativos para achegarmos e presentar aos estudantes o que son as covas e a súa importancia. Sobre todo pensando que hai moitas cousas que os nosos rapaces non coñecen, que os seus libros non contan, e que nembargantes están presentes nas covas galegas... É algo que poden contar os infantiles e xuveniles de C.M. Trevinca e CETRA xa que nalgunhas actividades puideron ver nas covas dende fósiles de crinoideos, ate rabuñazos de osos cavernarios, ...
¿QUÉ ESTAMOS A "ARGALLAR" ENTRE C.M. TREVINCA E CETRA APROVEITANDO O IYCK?
As actividades conxuntas que temos desenvolto os últimos anos sairon moi ben: O campamento Infantil-Xuvenil de Espeleoloxía do 2019 rompeu récord de participantes (máis de 63 deportistas). Tamén os nosos cativos (que xa non o son tanto) participaron con moito interés nas saídas máis técnicas ao Courel (sima de A Tara), ou ao Castelo da Furna (Sima de A Furna), ou cando fixemos a travesía polo curso subterráneo do Sistema de A Trapa (Ribadelouro); tamén na xornada de TPV de 2019, ou no Campamento Xuvenil de 2020 (Serra da Enciña da Lastra) centrado en topografía subterránea.
E iste ano a aposta é seguir facendo cousas xuntos.
E as actividades (covas e roteiros) queremos centralas no Espeleoparque de A Mariña, retomando o proxecto da IIIª Semana da Espeleoloxía de C.M. Trevinca que estivemos a organizar en 2020.
Escollimos o espeleoparque porque nos ofrece cinco recursos naturais moi interesantes:
No mesmo concello
tamen hai varias covas máis que se poden visitar cos infantiles como A Capela,
Arcos-Zorros, Pozo Caldeiro, Lobos, Cova de Arcos o da Meiga, ... Ou o roteiro
turístico da cova de Rei Cintolo.
Iso si: Hai que agardar que poidamos desenvolver actividades, inda que sexa en grupos reducidos, ao igoal que fixemos no último campamento Infantil/Xuvenil de Espeleoloxía.
E lembrade: “Non é o mesmo imaxinar que vivir… ¿Non queres
participar?”
Cómpre tamén mencionar a dous non socios do noso club, membros do CETRA-Club de Espeleoloxía A Trapa, Marcos Vaqueiro e Reinaldo Costas, que nos axudaron este ano nas actividades de espeleoloxía.
Se algún socio non se atopa entre os premiados ou como colaborador e cre que rematou algunha categoría ou colaborou nalgunha actividade social, por favor, que se poña en contacto co club canto antes.
Recordade que a partir do 1 de decembro xa se poden abrir as distintas categorías dos concursos sociais.
PRÓRROGA DE CONCURSOS SOCIAIS
Posto que neste 2020 tan distinto non puidemos practicar o montañismo tanto como quixeramos, a Xunta Directiva decidiu prorrogar un ano a todos os socios con concursos abertos que teñan data limitada para a súa realización. Son todos excepto, Teitos, Metros e Memorial Gonzalo Gurriarán.
Dende hoxe ata final de ano, quedarán suspendidas todas as actividades do clube, exceptuando unicamente as Xornadas de Escalada que se están a realizar semanalmente no rocódromo da universidade de Vigo.
Pronto esperemos volver a normalidade. ¡Coidarvos todos e ánimo!
Mentres se manteña a situación actual, e necesario que asinedes a Declaración Responsable do COVID-19 antes de realizar calquer actividade co clube:
DECLARACIÓN RESPONSABLE PARA ASINAR
Podedes traelo firmado xa da casa ou tamén podedes solicitalo no club.
A lista abrese hoxe e péchase o martes 6
Ao sur do muro da presa de Riaño levántase o alpino macizo dos picos Jaidos ou Janos. Os seus afiados cumes e agullas crean unha espectacular paisaxe dolomítica. Percorrer a aérea crestería que forman os Jaidos (1798 m. e 1821 m.), Peña Caballo (1762 m.) e La Muga (1804 m.), convértese nunha atrevida actividade que deixará satisfeitos aos máis atrevidos. Máis ao sur, Peña Blanca, Peña Verde, Pico Cerroso, Peña Rionda, Aguasalio e Pico Moro, rematan este abano de cumes á beira do río Esla. Pasaxes como “El saltadero”, “El risco de la monja” o “La gorgolada”, esperemos que pasen a formar parte do voso nomenclátor leonés.
A zona deixa lugar tamén para excursións máis doadas, pois dende Argovejo, vila sempre animada como igual recordades, parten moitas rutas por sendas bucólicas, misteriosos bosques de faias e antigas calzadas romanas.
Haberá que ir cos ollos e oídos ben protexidos. Se en maio e fácil marearse naquelas terras coa súa explosión de cheiros, no outono a infinita paleta de cores dos bosques de faias e sabinas poden danar as nosas retinas, e a mediados de outubro aínda soan polas altas chairas leonesas os roncos bramidos da berrea.
Polo “becho” preocupádevos o xusto. Teremos todo o albergue de Sabero para nós, con capacidade e medios hixiénicos de sobra, para que garantir as precaucións anticovid sexa doado. A responsabilidade debémola poñer nós.
As
actividades no río Esla: rafting, hydrosspeed e piragua, poderían estar
limitadas polo escaso caudal desta época. De todas formas, se estades
interesados nesas actividades (espéleo ou escalada) avisade á hora de
anotarvos. Logo confirmaremos posibilidades e prezos.
Retomamos a celebración do XXIV CAMPAMENTO INFANTIL -XUVENIL DE ESPELEOLOXÍA en Cobas o 12 e 13 de setembro.
No tríptico tedes información sobre a temática do campamento, presentación e regulamento, programa de actividade, material necesario e localización.
As inscripción xa está pechada.
Documentación:
