Dado que mañá día 16 é festivo local en Vigo manteremos pechada á oficina do club. Con tal motivo a apertura da lista do Curso de Montañismo Invernal será o mércores 17.
AVISO: LISTA MONTAÑISMO INVERNAL
Mostrando entradas con la etiqueta Actividades de neve. Mostrar todas las entradas
Mostrando entradas con la etiqueta Actividades de neve. Mostrar todas las entradas
SÁIDA A SALAMANCA- BATUECAS (22 o 25 de febreiro)
¡Aínda queda algunha praza para a saída de Salamanca! A lista péchase este venres.
Teremos senderismo polo Parque Natural de las Batuecas, montaña pola Serra do Candelario e Esquí pola estación La Covatilla....
Aproveitando que este ano é festivo o martes de entroido en Vigo, imos facer unha escapada á provincia de Salamanca, onde teremos 3 opcións a elixir: sendeirismo no Parque Natural das Batuecas-Sierra de Francia de 44.800 hectáreas, montaña na serra de Candelario e esquí na estación “La Covatilla”. Estamos aloxados en La Alberca que no ano 1.940 converteuse no primeiro municipio español que conseguiu a distinción de Monumento Histórico- Artístico.
Maís info
da saída:
Sábado: Madrugaremos e antes de chegar ata o noso destino faremos unha parada na vila portuguesa de Sabugal, onde destaca o seu castelo que data da época en que pertenceu ao reino de León, durante o mandato de Alfonso IX a finais do século XII. Ten a sorte de estar situada na ribeira do río Coa. Faremos un percorrido de pouco máis de 10 km. Saíndo de Sabugal, percorremos os meandros do río Coa nun roteiro circular para logo
facer a última parte do día en bus, destino a La Alberca.
Domingo: Trasladámonos todos en bus ata Miranda del Castañar. Aquí, os sendeiristas inician o seu roteiro, pasando logo por Sequeros, Las
Casas del Conde e San Martín del Castañar para rematar en La Alberca. Catro lugares que son
Monumento Histórico-Artístico, unidos por tres sendeiros: "Camino
de los Prodigios", "Bosque de los Espejos" e "Ruta de los
Molinos". O resto do grupo seguirá percorrido en bus ata La Covatilla, onde os esquiadores teñen a estación de esquí, e o grupo de montaña equipado con material invernal, incluídos crampóns e piolet, inicia o seu percorrido que os levará ao teito de Salamanca: " Canchal de la Ceja" de
2.428 metros.
Luns: Dende o mosteiro das Batuecas, de finais do século XVI e ocupado pola orde dos Carmelitas Descalzos, faremos un percorrido de 20 km que nos fai pasar na metade do percorrido
por La Alberca e que remata no Santuario de Peña de Francia a 1.728 metros. O bus, despois de deixarnos no inicio do roteiro, trasladarase a La Covatilla para levar aos de esquí.
Martes: Dende a aldea de Sequeros partimos camiño a Villanueva del Conde e dende aquí
a Garcibuey, onde iniciaremos a subida ata chegar a La Buitrera. Aquí poderemos observar os voitres no seu estado natural. O noso percorrido continúa realizando un roteiro circular de apenas 15 km.
¡Non perdades a oportunidade de coñecer este recuncho de Salamanca!
II ENCONTRO DE ALPINISMO DA FGM
Macizo Mampodre
29 de febreiro e 1 de marzo 2020
O prezo de incrición no IIº encontr de alpinismo é de 8€, incluíndo a cea son 23€ que deberán ser ingresados na conta da FGM: Abanca 2080 5104 8630 4001 6923
Cando teñas o pagamento feito podes cubrir o FORMULARIO, preme aquí
¡¡¡Esperámosvos no II Encontro de Alpinismo, esta vez en Maraña!!!!
PERCORRIDO EN ESQUÍ DE TRAVESÍA E RAQUETAS DA FGM
Aquí temos a información da actividade federativa de Esquí de Travesía e Raquetas de Neve que se vai celebrar o 1 de febreiro, organizada polo Club Montañeiros Celtas.
Por favor, cando fagas a inscrición debes comunicalo tamén chamando ao noso club.
CURSO DE MONTAÑISMO INVERNAL
15
e 16 de febreiro
Un
ano máis, dado que sodes moitos os que solicitades este curso, e tamén pola necesidade
de ter a formación precisa para moitas das actividades que desenvolve o club,
temos solicitado xa este curso á FGM- EGAM, específico para socios federados do
noso club.
O número de prazas é limitado, en principio, a 8 participantes.
Máis información sobre prezos ou subvencións
chamando ao club.
A inscrición, neste caso, unicamente terá validez se se fai a
través do club, ben chamando por teléfono ou de forma presencial.
A lista ábrese hoxe ata o 4 de febreiro.
INFO: SAÍDA SOMIEDO 6 ao 8 de decembro
Hoxe ábrese a lista para anotarse a actividade de montaña e sendeirismo en Somiedo que terá lugar na ponte do día 6 ao 8 de decembro. Hoxe ábrese a lista ata o venres día 29.
INFORMACIÓN DA SAÍDA:
VENRES: iniciamos o noso percorrido en Llamardal. A senda trancorre en suave ascenso a media ladeira de Peña de Gúa para dirixirnos ás brañas de Mumián. Saíndo de alí, e antes de introducirnos no faial da Enraimada, temos a posibilidade de facer o cume Peña el Molinón(1.487m). Esta zona está catalogada como de uso restrinxido, polo que non se poderá abandonar a pista, debendo camiñarse en silencio para non perturbar a vida no bosque. En descenso e en zig-zag dirixímonos á aldea de Coto de Buenamadre para continuar descendendo paralelos ao río Sousas e rematar en Pola de Somiedo.
SÁBADO: atravesando a aldea de Arbeyales, o camiño prosegue por un empinado carreiro pola Foz da Güérgola, pasando polas brañas de Murias e La Corra e chegar ao Camin Real de la Mesa, un roteiro marcado como GR que nos levará ata ao Colláu a Madalena e o cume Cuetu Rubiu(1.663 m). Despois, iremos en lixeiro descenso ata Morteras de Saliencia, onde se poderá acurtar o percorrido seguindo o descenso ata Saliencia. Os máis atrevidos seguirán o roteiro pasando pola braña Rebochal e braña de Ordiales, para acabar chegando ao punto de inicio do mesmo.
DOMINGO: desde Puerto de Somiedo collemos dirección ás Veigas de Penouta para continuar ata o colado que nos vai levar ata Pena Penouta (1.976 m). Volvemos ao colado para seguir baixando por unha canal e terminar en Puerto de Somiedo, realizando un percorrido circular.
SÁBADO: atravesando a aldea de Arbeyales, o camiño prosegue por un empinado carreiro pola Foz da Güérgola, pasando polas brañas de Murias e La Corra e chegar ao Camin Real de la Mesa, un roteiro marcado como GR que nos levará ata ao Colláu a Madalena e o cume Cuetu Rubiu(1.663 m). Despois, iremos en lixeiro descenso ata Morteras de Saliencia, onde se poderá acurtar o percorrido seguindo o descenso ata Saliencia. Os máis atrevidos seguirán o roteiro pasando pola braña Rebochal e braña de Ordiales, para acabar chegando ao punto de inicio do mesmo.
DOMINGO: desde Puerto de Somiedo collemos dirección ás Veigas de Penouta para continuar ata o colado que nos vai levar ata Pena Penouta (1.976 m). Volvemos ao colado para seguir baixando por unha canal e terminar en Puerto de Somiedo, realizando un percorrido circular.
¡Non perdades a oportunidade de coñecer este recuncho de Asturias!
RESUMO: VAL DE AOSTA
Son moitas as cousas que debemos celebrar polo campamento no val de
Aosta este pasado mes de agosto: o lugar escollido, Arpy, pretiño de Courmayeur e ao pé do macizo do Mont Blanc; a
climatoloxía que apenas incidiu nunha xornada con choiva, o que
non impediu que se cumprise co calendario que levabamos, con tan só unha
modificación; tamén
celebramos que algún socios fixeron o seu primeiro tresmil ou catromil e, como non, celebramos os 21 que tiveron a sorte de ascender ao Gran Paradiso de
4.061m, cun tempo extraordinario.
Felicidades a todos e moitas grazas por
facernos fáciles as cousas á organización, nunha actividade con moitas variables na cal participamos 60 socios, cunha fraternidade moi boa durante os dez días que durou.
¡¡MOITAS GRAZAS E NORABOA!!
RECORDATORIO ACTIVIDADE SAN ISIDRO
Saímos o xoves ás 6,00h Praza de España.
Lembrade levar a mochila de ataque preparada para camiñar, tamén o piolet e crampóns os que van facer montaña. Non é necesario saco de durmir, toalla e demais si.
Importante: Levar cea para a noite do xoves.
SEMANA SANTA: SAN ISIDRO
Vai rematando o prazo para apuntarse a actividade de S. Santa en S. Isidro.
Aos interesados en esquiar, onde imos estar pódese alugar material sen necesidade de facelo na estación.
Tamen, para abaratar bastante a actividade, neste caso é posible desayunar e cear no apartamento cada un pola súa conta.
Máis info no club, pero canto antes mellor. Grazas.
SEMANA SANTA EN SAN ISIDRO
Nesta Semana Santa desprazarémonos á zona de San Isidro. Estaremos no Parque Rexional de Picos de Europa, figura ambiental que inclúe na súa parte máis setentrional o Parque Nacional dos Picos
de Europa.
Para o xoves temos a ascensión ao pico Susarón (1878 m.). O venres temos un clásico: o camiño de Wamba. Faremos nese día os cumes de Peña El Viento (1992 m.), Rapaínes (2019 m.) e A Rapaona (1973 m.), picos do cordal que vai ata o porto de Tarna.
O sábado, dende terras asturianas acercarémonos cruzando vellas “majadas” de pastores ata os xigantes do cordal de Fuentes de Invierno: o pico Fuentes (2000 m.) e pico Nogales (2071 m.), nunha ruta circular de certo
desnivel.
Para o derradeira xornada deixamos o pico Torres (2098 m.) marco e sentinela do porto de San Isidro, cume de explosiva ascensión.
A LISTA ESTA ABERTA DENDE HOXE DIA 2 ATA O DÍA 12 DE ABRIL
Todas as xornadas haberá variantes máis doadas para o Grupo B ou senderistas e os esquiadores, de pista ou de fondo, terán todos os días a posibilidade de gozar das estacións de San Isidro e Fuentes de Invierno.
ACTIVIDADE EN LEITARIEGOS
De novo a méteo permitiu que pasaramos unha
extraordinaria fin de semana, desta volta en Leitariegos.
Na mañá do domingo
non se puido esquiar todo o que se quería pero en xeral o tempo acompañou e as
cumes do Muxivén, na xornada do sábado e o Miro de Tejedo, no domingo, fixeron que voltaramos moi contentos.
De novo demos cun albergue
excepcional, xestión do noso amigo, e
vocal do club, Tomás Campo.
INFO ACTIVIDADE EN LEITARIEGOS
Saímos sábado ás 7 da mañán desde Praza de España.
NON é preciso levar saco de durmir.
Levar preparada mochila co necesario para camiñar nada máis chegar.
A opción de esquiar será para o domingo.
Non contemplamos como imprescindible a utilización de crampóns ou piolet, pero quen os teña que os leve.
Calzado adecuado para camiñar con neve e cubrebotas.
FOTOS CABRERA
Estupendo finde pola Cabrera. Bo tempo, pouca neve, algúns “homes armados” que nos fixeron cambiar o percorrido pero atopamos outro mellor grazas a Tomás e a Alfonso. Total, que o pasamos moi ben cun extraordinario ambiente e un bo lugar para pernoctar.
 |
| Gracias polas fotos a Barbara e Carlos Garrido |
A ESQUIAR A MANZANEDA
Temos confirmación de que este sábado se abren as pistas de esquí en Manzaneda e nos quedan, de momento, prazas libres no autobús e albergue, situado na mesma estación.
Sairemos na tarde do sábado para poder aproveitar todo o domingo na neve. Unha estupenda ocasión, pois a meteoroloxía parece que o vai permitir, desempolvar por fin os esquís.
INF-XUV: A GOZAR COA NEVE
ACTIVIDADE INFANTIL E XUVENIL
Manzaneda, 2 e 3 de febreiro
Parece que vai caer unha boa nevada nos próximos días así que poderemos gozar dunha boa xornada de neve.
Será unha actividade apta para todos, mentres os máis pequenos e pais gozan da neve con xogos e un percorrido preparado para eles, os xuvenís empezarán a tomar contacto cas raquetas. Quen o desexe tamén poderá aproveitar para esquiar.
Sairemos o sábado día 2 ás 17 horas e, por seguridade sobretodo, o faremos en autobús e durmiremos no albergue da propia estación.
A lista ábrese o xoves 24 de xaneiro
(Tendo preferencia as seccions infantil e xuvenil, pero non pechamos a posibilidade de que outros socios acudan a esta actividade aproveitando que se poida esquiar)
Chamade ao club para informarvos con máis detalle desta actividade
PERCORRIDO ESQUÍ DE TRAVESIA E RAQUETAS FGM
Os nosos amigos do Club Montañeiros Celtas organizan esta actividade federativa para o sábado 2 de febreiro.
Parece que chega a neve e con ela este tipo de actividades, a participar pois....
OBRIGATORIA A LICENZA DESTE ANO E OS NOSOS FEDERADOS DEBEDES CHAMAR AO NOSO CLUB PARA APUNTARSE E CUBRIR A FICHA DE INSCRIPCIÓN.
